Ex 32:28 - Chuj San Sebastian Bible

²⁸ 'Ix syiclj eb' levita jun checnb'il cha, 'aym 'oxe'oc mil eb' winc xcham 'a jun c'u cha.

Chuj San Mateo Bible

²⁸ Ix sc'anab'ajej checnab'il eb' vin̈ levita ix yac' vin̈. Yuj chi', ay am oxeoc mil anima ix smilcham eb'.

Ex 32:28 Iomraidhean Croise

Salmos 99:8

Mamin Jehová qui Diosal ach on̈, tzach ta'wn̈ej 'a eb' a checb' cha. 'Ix a'n lajwc smul eb' quit chon̈b' on̈, palta 'ix ac' syailal eb' yuj tas maysch'olnil sb'o'o.

Ex 32:27

Yuj cha, xyaln Moisés chi 'ixtc 'a eb': —A Jehová qui Diosalec a 'ix aln 'ixtic: Junjn ex tzeyij eyespada, tzex 'at 'a scal camplamento tic, tzlaj e milnc can cham eb' eyu'tac, eb' e wach'c'ojol yet' eb' cajn 'a e tz'ey, xchi Dios, xchi Moisés cha.

Ex 32:29

Xlajw cha, 'ix yaln Moisés 'a eb' levita chi 'ixtic: —A ticnec, tze chaj can eyopiso 'a yojltac Jehová, yujto ex meltzj 'och 'a eb' eyunnal, 'a eb' eyu'tac, sec 'oj yac' Dios syaxilal 'a eyib'an̈, xchi Moisés chi 'a eb'.

Ex 32:35

Yuj cha, 'ix ya'n cot Jehová jun niwquil yab'il 'a yib'n̈ eb' israel, yujn̈ej wal to 'ix yac' 'ejm sb'a eb' 'a jun yechl quelm wacx sb'o Aarón.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Nm 25:7

'Ix yiln sb'a Finees win yunnal Eleazar, yixchicn can Aarón, win ya'mal 'och sti eb' 'a Dios, 'ix 'elt 'a scal eb' 'anma cha, 'ix yi'n win q'uen slanza.

Nm 35:8

A 'a smacl lum eb' yit israelal eb' cha, ata tz'elt jun tzo'n̈ chon̈b' chi tz'ajx 'a eb' levita cha. Yuj cha, junjn 'in̈tal eb', 'oj yac' 'elt eb' jayjnoc chon̈b'al. A eb' niwc slu'um, niwn chon̈b' chi 'oj yac' 'elt eb', ax eb' jab' wal slu'um, jayen̈ej chon̈b' chi tzyac' eb', xchi Dios.

1 Co 10:8

Matz tac' qui b'onec pax 'ajmulal. Yujto 'ixta yutjnac sb'a jun tzo'n̈ eb' 'a scal eb' cha. Yuj wal jun cha, 'oxeschawinc mil eb' chamnc 'a jun c'u.

Dt 33:9

A eb' cha, yel xo ach schamc'ojlej eb' 'a yib'n̈ smam snun, 'a yib'n̈ yu'tac, yet' 'a yib'n̈ yunnal. A eb' tic, caw yel syiclj eb' a paxti', yet' a trato.