Ex 32:26 - Chuj San Sebastian Bible

²⁶ Ax Moisés 'ix 'och lin̈n 'a sti camplamento 'ix yaln 'ixtic: A ticnec jun, a mach tzyal sc'ojl ya'n 'och sb'a 'a yol sc'ab' Jehová, cot cab' 'a in tz'ey tic, xchi. Ax smasnil eb' yin̈tl Leví 'ix jaw eb' 'a stz'ey.

Chuj San Mateo Bible

²⁶ Yuj val chi' ix och tec'tec' vin̈aj Moisés chi' d'a sti' campamento chi', ix yalan vin̈: —A ticnaic a mach syal sc'ol syac'och sb'a d'a yol sc'ab' Jehová, cotocab' d'a in tz'ey tic, xchi vin̈. Masanil eb' yetlevitail vin̈, ix snitzcot sb'a eb' d'a stz'ey vin̈.

Ex 32:26 Iomraidhean Croise

A Ch'an̈ Schab'l Libro Samuel 20:11

'Ay jun 'a scal eb' soldado yic win Joab, 'ix 'ochcn lin̈n 'a stz'ey sniwnal win Amasa cha, 'ix yaln 'ixtic: —¡A mach 'aych yet' win Joab, yet' pax win rey David, 'at cab' yet' win Joab cha! xchi.

A Ch'an̈ Schab'il Libro Yic Yab'ixal Eb' Rey 9:32

'Ix q'ue q'ueln Jehú 'a jun ventnu cha, 'ix yaln q'ue 'ixtic: —¿Mach 'aych wet'oc? xchi winac. 'Ay chawn̈ 'oxwn̈ eb' 'ay yopiso 'a yatut 'ix, 'ix 'elt t'an̈n eb',

Salmos 94:16

Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?

Ex 32:25

'Ixta to b'i'an, 'ix nachj 'el yuj Moisés to a eb' 'anma cha, schaj sc'ojl eb' ya'n squixwloc 'a sat eb' 'ajc'ojl yajch 'a eb', man̈x 'ic tenchj 'och wan eb' yuj Aarón.

Ex 32:27

Yuj cha, xyaln Moisés chi 'ixtc 'a eb': —A Jehová qui Diosalec a 'ix aln 'ixtic: Junjn ex tzeyij eyespada, tzex 'at 'a scal camplamento tic, tzlaj e milnc can cham eb' eyu'tac, eb' e wach'c'ojol yet' eb' cajn 'a e tz'ey, xchi Dios, xchi Moisés cha.

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Dt 33:9

A eb' cha, yel xo ach schamc'ojlej eb' 'a yib'n̈ smam snun, 'a yib'n̈ yu'tac, yet' 'a yib'n̈ yunnal. A eb' tic, caw yel syiclj eb' a paxti', yet' a trato.

Josué 5:13

A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.