Ex 32:20 - Chuj San Sebastian Bible

²⁰ Yajn̈j wal cha, 'ix 'at stza'noc 'elt jun yechl quelm wacx cha, sjuln 'at 'a scal c'ac', stenn chojoc, pococ xoj 'ix 'aji. Ax jun spoccal cha, 'ix ya'n 'ejm 'a scal a', 'ix yecn yuc' eb' israel chi jun a a cha.

Chuj San Mateo Bible

²⁰ Ix lajvi chi', ix b'at stzac'anelta jun yechel vacax chi' vin̈, ix syumanoch vin̈ d'a scal c'ac'. Ix lajvi chi' ix smac'anpoj vin̈, choc'xon̈ej ix aji, ix yac'anem vin̈ d'a scal a a', ix schecan vin̈ yuc' eb' anima chi'.

Ex 32:20 Iomraidhean Croise

A Ch'an̈ B'ab'el Libro Yic Yab'ixal Eb' Rey 15:13

'Ay jun yechl Asera 'ac'b'il b'o yuj 'ix Maaca, atn 'ix snunchichm winac. Yuj jun cha, 'ix yi'n 'el win sb'inab'ilal snunchichm cha. 'Ix sma'n poj win Asa chi jun yechl cha, axta 'ix 'at sn̈us tz'a win 'a sti a niwn a Cedrón.

A Ch'an̈ Schab'il Libro Yic Yab'ixal Eb' Rey 23:15

'Ixta pax x'aj yet'l xajmb'al 'a Bet-el, yet' jun b'ob'il can yuj Jeroboam yunnal Nabat, atn jun xjucb'tzan eb' yit israelal 'a maysch'olnil. 'Ix ya'n pax Josías chi ma'xoc poj jun tzo'n̈ cha, pococ x'ajcni, 'ix ya'n n̈usxoc. 'Ix ya'n 'ajxc 'och sc'a'l jun comn dios Asera cha.

A Ch'an̈ Schab'il Libro Yic Yab'ixal Eb' Rey 23:6

'Ix ya'n win rey 'ijxoc 'el jun yechl Asera 'a sti 'el chon̈b' Jerusalén, atn jun 'aych 'a yol yatut Jehová. Ata xyac' win n̈usxoctz'a 'a sti a Cedrón, xlajw cha, 'ix ya'n tenxoc chojoc, 'ix stzicn can 'at stan̈il chi 'a yib'n̈ 'aj mucn eb' comn 'anma'.

2 Cr 34:4

Caw q'ueln 'ochi, 'ix ya'n ma'xoc poj jun tzo'n̈ yet'l xajmb'al yic Baal. An̈jtona', 'ix ya'n ma'xoc poj jun tzo'n̈ yet'l xajmb'al 'aj tz'a incienso to 'ay q'ue 'a cha'an̈. Xya'n pax ma'x poj jun tzo'n̈ sch'oxnb'il Aserá cha, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc. Pococ x'aji, 'ix ya'n tzicxoc 'at spoccal chi 'a yib'n̈ 'aj mucn eb' xyac' xajmb'al 'a 'a.

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 14:14

Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Dt 7:5

Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.