Ex 32:16 - Chuj San Sebastian Bible

¹⁶ Caw a Dios 'ix b'on eb' q'ue'en, a pax tz'ib'jnac 'och schecnb'il chi 'a eb' q'ue'en.

Chuj San Mateo Bible

¹⁶ A val Jehová ix b'oan q'uen q'ueen chi' schab'il, ix stz'ib'anoch letra chi' d'a q'ueen.

Ex 32:16 Iomraidhean Croise

Job 19:24

'Ayc wal mach tz'ib'n can 'och yet' q'uen cincel 'a junc q'ue'en mto 'a q'uen plomo, sec tzcan jun tzo'n̈ chi 'a jun 'ejmn̈ej.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Ex 32:15

Ax Moisés 'ix pax 'emt 'a sjolm lum witz Sinaí, mec'b'il xo chapachn̈ q'uen q'uen yu'uj, q'uen 'ajtil tz'ib'b'il 'och jun tzo'n̈ checnb'il, tz'ib'b'il junjn eb' q'uen 'a schapaq'uil.

Ex 32:17

Ax yic wan yemxwul eb' 'a sla'nil eb' chon̈b' cha, xyab'n Josué yel yaw eb' 'anma cha, 'ix yaln 'a Moisés 'ixtic: —Coyn wal to owl 'aych yuj eb' 'anma chi 'a yol camplamento, xchi.

Ex 34:1

'Ix yaln Jehová 'a Moisés 'ixtic: —A ticnec, ach xo 'oj a tzey chab'oc q'uen q'ue'en, 'icha wal q'uen 'ix wac' 'aych 'a b'ab'el. An xo 'oj in tz'ib'c pax q'uen 'icha eb' q'uen b'ab'l xa ma' pojoc.

Ex 34:4

'Ix stzeyn Moisés chapachn̈ q'ue'en, 'icha wal eb' q'uen 'ix schaj 'a b'ab'el. A 'a yic sq'uin̈b'il 'a junx c'u cha, 'ix yi'n 'at Moisés eb' q'uen q'uen cha, 'ix 'atx 'a sjolm lum witz Sinaí 'icha wal xyutj Jehová yaln 'a 'a.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

2 Co 3:7

A ley yic Moisés, tz'ib'b'il can 'a jun tzo'n̈ q'uen 'icha u'un̈. A yic yajx cani, til wal stzictznil Dios 'ayc' 'a jun lugar cha. Ax eb' israel, ma'ix stac' yoch q'ueln eb' 'a sat Moisés, yujto caw tzictzni paxi. Palta a jun stzictznil cha, c'ojnc'ojnil sati. Wach'xam yopiso jun ley chi ya'n 'och chaml 'a quib'n̈ec, 'a yic sjawi, caw niwn yel'chi. Toto 'ixta 'ajnc 'el'ch jun ley chi sjawi,

Dt 10:1

Yuj cha, xyaln Jehová 'ixtc 'ayin: 'Ac' tzeyxoc tojlb'oc chapachc q'uen q'ue'en, 'icha wal yaj q'uen xwac' 'aych 'a b'ab'el, 'ixta tz'aj sb'o eb' q'ue'en. Tza'n b'o pax junc scaxail te tz'aji, tzlajw cha, tzach q'ue paxt wet' 'a sjolm lum witz tic.

Dt 9:15

Xlajw xoj cha, in pax 'emt 'a sjolm lum witz cha, atn 'aj caw tzn̈ilchj sc'a'l lum witz chi stz'a'i, mec'b'il chapachn̈ q'uen q'uen chi wu'uj, atn q'uen 'aj 'aych strato cha.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.