Ex 32:12 - Chuj San Sebastian Bible

¹² Comnoc ma'oj a cha yal eb' 'aj Egipto chi 'ixtic: 'In to tu snab'en Dios 'a yib'n̈ eb' 'anma cha. Ton̈j xwul yi'l eb' 'a tic yic tzcham eb' 'a cusltac lum yu'uj, sec am tzsatcn 'el eb' 'a sat lum lum tic, 'oj schic eb'. Yuj cha, comnoc man̈toc 'ayn̈j cot yowl a c'ojl 'a yib'n̈ eb' a chon̈b' tic, comnoc tzac' wal niwnc'ojlal eb'.

Chuj San Mateo Bible

¹² ¿Tas val yuj ol a cha ach yal eb' aj Egipto chucal? Ol am yal eb' icha tic: Tob'an chuc spensar Dios d'a eb', yuj chi' ix yiq'uel eb' d'a tic, sb'at smilancham eb' d'a jolomtac vitz, satjiel eb' yuuj d'a sat lum luum tic, xcham eb'. Yuj chi' comonoc max te cot yoval a c'ol d'a yib'an̈ eb', mocab' ac'och yaelal d'a yib'an̈ eb'.

Ex 32:12 Iomraidhean Croise

Gn 6:6

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

A Ch'an̈ B'ab'el Libro Yic Yab'ixal Eb' Rey 8:51

Yujto a chon̈b' caji, ec pax caji, ach ejnacn̈ 'elt 'a Egipto 'a scal yailal.

Esdras 10:14

Yel xom wach' cojn eb' qui yajlil tzcan sb'o yaj jun tic, ax smasnil eb' cajn 'a yol chon̈ab', eb' to yijnac sb'a yet' eb' 'ix 'ix cha, tztac' sjaw eb' 'a junc c'u man̈ najtloc tz'ajcni. Eb' juez yet' eb' yichm wincal junjn chon̈b', a cab' eb' tz'i'n cot eb'. 'Ixtnta 'oj caj qui masnil, masnto tzlajw yowl sc'ojl Dios 'a quib'n̈ec yuj jun tic, xchi eb'.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Salmos 90:13

Mamin Jehová, ¡colwjan̈ pax quet' on̈! ¿Jantc to wal tiempo 'oj 'ec' o'oj? 'O'ch cab' wal a c'ojl 'ayn̈ a checb' on̈ tic on̈.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Ex 33:13

A ticnec, toto yel 'ixta', 'ac' wojcoc 'el a nab'en, sec wach' tzach wojquej 'eli, ax wa'nn̈ej tzaljoc a c'ojol. Ojc wal si'mb'il to a jun a chon̈b' tza'cn 'a yol in c'ab' tic, a chon̈b' yaji, xchi Moisés.

Is 64:7

Toc 'ayt mach xnachj yaln sb'a 'ayach, mto sc'ann a colwal. Yuj am cha, 'ix a c'ub'n 'el a sat 'ayn̈ on̈, on̈ actn can qui ch'ocj on̈, yic tzon̈ satn 'el qui mul chi 'on̈.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Jeremías 28:16

Yuj cha, 'ix yal Jehová 'aych 'ixtic: 'Oj ach wi'l 'a sat lum lum tic. A 'a jun ab'il tic 'oj a chami. Yuj jun tzo'n̈ a paxti 'ix ala, yuj cha, 'ix 'och eb' chon̈b' tic tenmtacl 'ayin, xchi Dios, xin chi 'a 'a.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Ez 20:22

Yujto caw wal b'inab'il in, yuj cha, xwi'n 'och wan jun yailal cha, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' 'a Egipto cha.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Am 7:3

Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.

Am 7:6

Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

Zacarías 8:14

A Jehová tztac' yuj smasnil a tzaln 'ixtic: 'Ix in nalb'ej wa'n 'och syailal eb' e mam eyicham, yic stzuntzn cot eb' wowal. A tas xin na cha, 'ix wac' 'el'choc.

Nm 14:19

Comnoc tzac' niwnc'ojlal 'a yib'n̈ eb' 'anma tic, yujto caw 'ay xon a chamc'ojlal 'a eb', yic e'n 'elt eb' 'a Egipto masnto 'a jun lugar tic, xchi Moisés.

Nm 16:21

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Dt 9:28

sec a eb' 'anma 'a lum chon̈b' 'aj on̈ ej 'elt cha, ma'oj yal eb' 'ixtic: A Jehová ma'ix stac' yi'n 'och eb' 'anma chi 'a sat lum lum tzyal yac' 'a eb' cha. 'Ix yij 'el eb' 'anma chi 'a tic, sec tzchamcn eb' yuj 'a lum cusltac lu'um, yujto chacb'il 'el eb' yu'uj, 'oj xchic eb'.

Josué 7:26

Xlajw cha, 'ix si'n can eb' syam sb'a q'uen q'uen chi 'a yib'n̈ eb'. 'Ix q'uecn b'uln̈ q'ue'en. A jun b'uln̈ q'uen q'uen cha, 'ix cann̈j q'uen ta'. Yuj cha, a jun niwn 'a'lic cha, an̈j 'ijnoc Acor sb'i. 'Ixtnta wal 'ix 'aj yoch wan yowl sc'ojl Jehová 'a yib'n̈ chon̈b' Israel 'a jun tiempoal cha.

Josué 7:9

A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.