Ex 30:35 - Chuj San Sebastian Bible

³⁵ Wach' tzotj a'n b'o jun incienso chi yet' jun tzo'n̈ cha, si'mb'il tzcalb'tan̈xi, tz'at pax yatz'mil. Wach' tz'aj sb'o yuj mach tzb'on cha, lajn tz'aj sb'o 'icha tz'aj sb'o perjuma.

Chuj San Mateo Bible

³⁵ A yed' juntzan̈ chi' tzac' b'ojoc incienso. Vach' tz'aj scalaji, icha val tz'aj sb'oji yuj junoc b'oum perfume. Vach' tz'aj sb'at yatz'amil, malajocab' spaltail, yujto vic yaji.

Ex 30:35 Iomraidhean Croise

A Ch'an̈ B'ab'el Libro Yic Yab'ixal Eb' Rey 1:39

Ax Sadoc 'ix yij cot aceite 'a scajnub' Dios, 'ix ya'n q'ue 'a sjolm Salomón, 'ixtnta 'ix yutj eb' ya'n 'och reyal. Xlajw cha, 'ix yutz'n eb' no sch'ac calnelu, caw wal tz'el yaw smasnil chon̈ab': ¡Viva win rey Salomón! xchi eb'.

1 Cr 9:30

'Ay pax eb' ya'mal 'och sti eb' 'anma 'a Dios, a eb' tzb'on perjuma cha.

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 30:25

A junc mach yojc sb'on perjuma, a cab' tzb'oni, wach' cab' tz'aj sb'o'i yujto wicn̈ej tz'aji, to a tzc'anlb'axi yic tz'och junc tas wico'oc.

Ex 30:34

'Ix yaln pax Jehová 'a Moisés 'ixtic: Molb'tzej cot jun tzo'n̈ tic, yic tza'n b'o jun incienso to wicn̈ej tz'aji: Tzcot stzatjil te estacte, stzatjil te incienso wach' sjab', stzatjil te gálbano yet' sjoxl jun tzo'n̈ e no noc' uña sb'i 'ay 'a yojl a mar.

Ex 30:36

Tza tenn chojc jab'oc jun tzo'n̈ cha, tza'n 'och 'a yol Mantiado cha, 'a yojltac 'elt scaxail in trato. A jun incienso tic, niwn cab' yel'ch 'a e sat.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

Cantares 1:3

Caw wach' yec' a jab' yuj perjuma 'aych 'ayach, ax a b'inaxi, lajn wal 'icha sjab' perjuma cha. Yuj cha, caw wal nib'b'ilch yuj eb' 'ix 'ix.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Lv 16:12

Tzyi'n cot stz'ab'c'ac', b'ut'n cab' yet' stzac'ac' yic yet'l xajmb'al, atn jun 'ayc' 'a wojltac an Jehová in, tzyi'n cot pax chajopc incienso su'q'ui sjab', tzyi'n 'oxt 'a yojltac te cortina 'aych smacloc snan̈l in cajnub'.

Lv 2:13

A smasnil ofrenda tz'ijx 'el 'a 'ixm sat trigo mto 'ixm cebada, yowlal tz'em yatz'mil. May junc ofrenda chi matz 'em yatz'mil, yujto a tzch'oxn cot in trato in b'ojnac eyet' an e Diosal in tic.

Jn 12:3

Ax 'ix María yet' 'ix mel-l litro yal su'q'ui sjab', nardo sb'i. A jun cha, caw chan̈ stojol. 'Ix c'och 'ix 'a Jesús. 'Ix stob'n 'och 'ix 'a yoc. Xlajwn̈ej cha, 'ix sucn tacj 'ix yet' xil sjolom. Caw c'uxn 'ix pucb't sjab' 'a yol jun n̈a cha.