Ex 30:32 - Chuj San Sebastian Bible

³² Matz tac' scomn 'a'n 'och jun perjuma chi 'a junc comn 'anma', matz tac' pax scomn b'o junc xo perjuma 'icha jun cha. Yujto a jun perjuma cha to wicn̈ej yaji, matz tac' scomn yamxi.

Chuj San Mateo Bible

³² Man̈ comonoc succhajoch d'a junoc comon anima. Man̈ comonoc sb'oji junocxo macan̈ aceite lajan yed' jun tic. A jun tic vic tz'ajcani, yuj chi' man̈ comonoc tze yama'.

Ex 30:32 Iomraidhean Croise

Ex 30:25

A junc mach yojc sb'on perjuma, a cab' tzb'oni, wach' cab' tz'aj sb'o'i yujto wicn̈ej tz'aji, to a tzc'anlb'axi yic tz'och junc tas wico'oc.

Ex 30:31

Tzlajw cha, tzaln yab' smasnil eb' et israelal jun tzo'n̈ tic. To a yic 'oj b'ey tiempo, a jun perjuma tzb'o cha, to wicn̈ej tz'aji, yujto a 'oj c'anlb'axc 'a yic 'ay junc tas tz'ochcn wico'oc.

Lv 21:10

A win sat ya'mal 'och sti eb' 'anma', 'ay yopiso win ya'n 'och te pichl ya'ilb'il yaj sb'o'i, yujto 'ac'b'ilq'ue perjuma 'a sjolom yic si'x can 'ochi. Yuj cha, matz tac' scomn 'em tzicn xil sjolom, mto tziljat spichul yic tzch'oxn 'el junc scusc'ojlal.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.