Ex 30:25 - Chuj San Sebastian Bible

²⁵ A junc mach yojc sb'on perjuma, a cab' tzb'oni, wach' cab' tz'aj sb'o'i yujto wicn̈ej tz'aji, to a tzc'anlb'axi yic tz'och junc tas wico'oc.

Ex 30:25 Iomraidhean Croise

A Ch'an̈ B'ab'el Libro Yic Yab'ixal Eb' Rey 1:39

Ax Sadoc 'ix yij cot aceite 'a scajnub' Dios, 'ix ya'n q'ue 'a sjolm Salomón, 'ixtnta 'ix yutj eb' ya'n 'och reyal. Xlajw cha, 'ix yutz'n eb' no sch'ac calnelu, caw wal tz'el yaw smasnil chon̈ab': ¡Viva win rey Salomón! xchi eb'.

1 Cr 9:30

'Ay pax eb' ya'mal 'och sti eb' 'anma 'a Dios, a eb' tzb'on perjuma cha.

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 29:21

Ax schic'l no tzcan 'a yib'n̈ jun yet'l xajmb'al cha, tzac' scalc sb'a yet' jac perjuma tzc'anx 'a yic 'ay junc tas tz'och wico'oc. Tza tzicn 'och 'a Aarón yet' spichul. Tza'n pax 'och 'a eb' yunnal yet' spichul, sec 'ixta tz'aj eb' yochcn wico'oc yet' spichl cha.

Ex 29:7

Tze'n cot jun perjuma tzc'anxi yic 'ay junc mach tz'ochcn wico'oc, tza secnq'ue 'a sjolm Aarón, sec tz'ochcn yopiso ya'malc 'och sti eb' 'anma 'ayin.

Ex 30:24

yet' lajchwec libra te acacia. Tz'echtax jun tzo'n̈ chi yet' jun echtab' tzc'anx 'a in cajnub'. Nan̈l schan̈l litro pax yaceiteal te olivo.

Ex 30:32

Matz tac' scomn 'a'n 'och jun perjuma chi 'a junc comn 'anma', matz tac' pax scomn b'o junc xo perjuma 'icha jun cha. Yujto a jun perjuma cha to wicn̈ej yaji, matz tac' scomn yamxi.

Ex 30:35

Wach' tzotj a'n b'o jun incienso chi yet' jun tzo'n̈ cha, si'mb'il tzcalb'tan̈xi, tz'at pax yatz'mil. Wach' tz'aj sb'o yuj mach tzb'on cha, lajn tz'aj sb'o 'icha tz'aj sb'o perjuma.

Ex 35:15

Tzb'on eb' jun yet'l xajmb'al yic incienso yet' scan̈nub'al, yet' perjuma tzc'anx 'a yic 'ay junc tas tz'ochcn yico'oc Dios. Tzb'on eb' jun incienso caw su'q'ui sjab', tzb'on eb' te cortina tz'och smacloc sti scajnub' Dios.

Ex 37:29

Xya'n pax Bezaleel b'o jun perjuma yicn̈ej Jehová yaji, yet' pax jun incienso caw wal wach' sjab', caw wach' x'aj sb'o 'icha tzyutj junc mach sb'on perjuma cha.

Ex 40:9

Tzlajw cha, tze'n cot jun perjuma to wicn̈ej yaji, tza tzicn 'och 'a yib'n̈ in cajnub', tza tzicn 'och pax 'a yib'n̈ smasnil tas 'ay 'a yojol. 'Ixta wal tzotj a'n can 'och yopiso yet' smasnil syamc'ab'il, yujto wicn̈ej tz'ajcni.

Ec 10:1

A yuj sjab' junc no chamnc yax a'ay, tzjuw 'el sjab' junc perjuma caw su'q'ui. 'Ixta pax junc mach tzb'inax yuj cob' sjelnal, q'uinloc 'ay tas tu tzb'o'o, caw tzjuw 'el sb'inab'ilal cha.

Lv 8:10

Xlajw cha, xyi'n cot Moisés jun perjuma tzc'anlb'ax 'a yic tzsi'x 'och junc mach 'a yopiso, mto junc tas tz'ochcn yico'oc Dios. Stzicn 'at jun perjuma chi 'a yib'n̈ scajnub' Dios, yet' 'a yib'n̈ smasnil tas 'ay 'a yojl cha. 'Ixta wal x'aj yochcn smasnil jun tzo'n̈ chi yico'oc Jehová.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Nm 35:25

Ax eb' chon̈b' cha, a eb' tzcoln win tz'och smul chi 'a yol sc'ab' win yican junc tzcham cha. Yowlal tzya'x meltzjoc eb' jun 'ay smul chi 'a jun chon̈b' 'aj tzcol sb'a cha, tzcann̈j ta', masnto tzcham win sat ya'mal 'och sti eb' 'anma sic'b'il can 'och 'a yopiso.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.