Ex 30:16 - Chuj San Sebastian Bible

¹⁶ Tza chaj q'uen plata chi 'oj yac' eb' 'ayn yuj stojnb'ilc sq'uinl cha, yujto ata 'oj 'och yopiso q'uen 'a yol Mantiado 'a 'aj tzin chaj in b'a eyet'oc. Atn jun chi tz'ochcn e nanb'ilc 'ayn an Jehová in tic, yujto tzeyac' jun tojlb'al chi yuj e q'uinl cha, xchi Dios.

Chuj San Mateo Bible

¹⁶ Ichato chi' smolchaj masanil q'uen plata syac' eb' anima chi' stojoloc yuj sq'uinal. A d'a mantiado b'aj tzin ch'ox in b'a tz'och yopisio q'ueen. A yuj chi', ol ex in nacoti, aton yuj tas tzeyac' yuj e q'uinal chi', xchi Jehová.

Ex 30:16 Iomraidhean Croise

2 Cr 24:6

Yuj cha, xya'n win rey 'awtxoc cot Joiada sat ya'mal 'och sti eb' 'anma 'a Dios, xyaln 'a 'ixtic: —¿Tas yuj matz a'ch 'a a c'ojl eptzan eb' levita yic tz'at yi'noc eb' q'uen ofrenda 'a yol yic Judá yet' 'a Jerusalén tic? A Moisés win schecb' Jehová, a aljnac cani to a smasnil eb' quit israelal to yowlal tzyac' eb' q'uen tumn yuj sb'omb'il mantiado yic strato Dios, xchi win rey.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 30:15

A yic tzya'n eb' jun tojlb'al chi 'ayn an Jehová in yuj sq'uinl cha, wach'xam rico, matz tac' to 'ec'b'al o'e gramo q'uen plata chi tzyac'a, toxn̈ej pax meb'a', matz tac' pax to man̈ tz'acnoc tzyac' o'e gramo q'uen plata cha.

Ex 30:17

'Ix yaln pax Jehová 'a Moisés 'ixtic:

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 31:54

A yic xlajw schan 'ec' Moisés yet' Eleazar jun tzo'n̈ oro chi 'a eb' syajlil eb' soldado cha, 'ix yi'n 'at eb' 'a yol Mantiado 'aj tzchaj sb'a Dios yet' eb' 'anma', sec wach' to tznax cot eb' israel chi yuj Jehová.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.