Ex 30:12 - Chuj San Sebastian Bible

¹² A yic tze'n chan̈ sb'isl eb' et israelal tic, junjn eb', 'oj yac' eb' jun tzo'n̈ tojlb'al 'ayn an Jehová in yuj sq'uinal, sec ax yic 'oj lajwc sq'ue wan sb'isl eb' cha, may junc yab'il 'oj jawc 'a scal eb' yic tzcham eb' yu'uj.

Chuj San Mateo Bible

¹² Ayic ol ic'anchaan̈ sb'isul eb' etchon̈ab' israel chi', junjun eb' ol stup d'ayin yuj sq'uinal, yic malaj junoc ilya te ov ol javoc d'a yib'an̈ eb' to scham eb' yuuj, yuj b'aj sb'ischaj chi'.

Ex 30:12 Iomraidhean Croise

1 Cr 21:1

Palta 'ix 'och win Satanás 'ajc'ojlal 'a eb' israel, 'ix ya'n sc'ojloc David sec tzyij chan̈ sb'isl eb' soldado.

1 Cr 21:12

Sic' 'a scal 'oxe yailal tic: ¿tom a 'oxe ab'il wejel, mto a 'oxe 'uj owl 'a e cal 'aj 'oj ex smil cham eb' 'ajc'ojol, mto a 'oxe c'u yab'il 'oj yac' 'a yol e nacion̈? A jun cha, atn wespada an Jehová in, yujto a jun wángel 'oj 'a'nc lajwc 'el eb' 'anma 'a smasnil yol smacb'en israel, xchi. Sic' ticnec, sec wach' 'oj stac' waln spac 'a Jehová, atn jun in checn coti, xchi Gad 'a David.

1 Cr 21:14

Yuj cha, 'ix ya'n cot Jehová jun yab'il 'a yib'n̈ chon̈b' Israel. 'Ix cham 70 mil eb' winc israel cha.

1 Cr 21:3

Palta xta'w Joab 'ixtic: —A cab' Jehová tz'a'n q'uib' sb'isl schon̈ab', man̈x b'ischjb'enoc cab' tz'aj eb', a 'a yol 'a c'ab' 'aych eb' smasnil. ¿Tom man̈ a checb'oc eb' tic smasnil? ¿Tas yuj tzac' ep 'e'n chan̈ sb'isl eb'? Yuj ton wal jun tic ax yoch smul qui chon̈b' tic, xchi.

1 Cr 27:24

A Joab yune 'ix Sarvia, 'ix chaj 'el yich yi'n chan̈ sb'isl eb', palta ma'ix lajw yi'n cha'an̈, yujto 'ix yij cot jun sb'isl eb' chi jun niwquil yailal 'a yib'n̈ chon̈b' Israel. Yuj cha, man̈ tz'ib'b'ilc sb'isl eb' 'a ch'an̈ libro yic yab'xil rey David.

2 Cr 24:6

Yuj cha, xya'n win rey 'awtxoc cot Joiada sat ya'mal 'och sti eb' 'anma 'a Dios, xyaln 'a 'ixtic: —¿Tas yuj matz a'ch 'a a c'ojl eptzan eb' levita yic tz'at yi'noc eb' q'uen ofrenda 'a yol yic Judá yet' 'a Jerusalén tic? A Moisés win schecb' Jehová, a aljnac cani to a smasnil eb' quit israelal to yowlal tzyac' eb' q'uen tumn yuj sb'omb'il mantiado yic strato Dios, xchi win rey.

2 Cr 24:9

'Ix ya'n alxc 'a smasnil yol yic Judá yet' 'a smasnil yol yic Jerusalén, to tz'ijx cot q'uen ofrenda 'a Jehová, 'icha yutjnac yaln can Moisés, win schecb' Dios 'a eb' israel 'a lum cusltac lu'um.

Job 33:24

tzyalni to tz'o'ch sc'ojl Dios chi 'a 'a, yic tzcoln 'el 'a yol sc'ab' chamel, yujto checl yaj jun mach 'oj mannc can 'eli.

Job 36:18

Yuj cha, tan̈wj wal a b'a, sec ma'oj a satx'el yuj Dios mu'c yuj yowl sc'ojol; ma'oj stac' a'n niwn tumn 'a 'a, yic tzach colchj can 'el 'a yaln̈ yowl sc'ojl cha.

Salmos 49:7

Palta may junc on̈ 'oj stac' qui colnec 'el qui b'a qui ch'ocoj, ma'oj stac' pax qui mannec qui q'uinl 'a Dios.

Ex 30:11

'Ix yaln Jehová 'a Moisés 'ixtic:

Nm 31:49

'Ix yaln eb' 'ixtc 'a 'a: An̈ a checb' on̈ tic, 'ix qui b'is smasnil eb' qui soldado 'aych 'a qui cuenta 'on̈. 'Ix quilni to tz'acn eb', may junc eb' xchami.

Nm 31:50

A ticnec, tic tzquij cot smasnil q'uen oro x'ilchj cuj on̈, q'uen brazalete, pulsera, colc'ab', yumchiquin yet' jun tzo'n̈ xo q'uen q'uen wach' yilxi. A jun tzo'n̈ tic tzcac' 'a Jehová, yujto xcolwj quet'oc, yuj cha, on̈ meltzj qui masnil on̈, xchi eb'.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mr 10:45

Yujto an tic, wach'xam 'Ochnc in 'Anma'il, man̈ yujoc wajx servil in jawi, palta yuj wa'w servil. In jaw wul wac' cham in b'a, sec wach' til wal mach 'oj colchjc can 'el wu'uj, xchi Jesús 'a eb'.

1 Ti 2:6

A xwul yac' cham sb'a, sec 'oj stac' scolchj eb' 'anma smasnil yu'uj. A yic 'ix jaw stiempoal jun tic, 'ix alx 'el yab'xil.