Ex 3:5 - Chuj San Sebastian Bible

⁵ 'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Chuj San Mateo Bible

⁵ Ix yalan Jehová: —Man̈ a nitzcot a b'a d'a tic. Iq'uel a xan̈ab' yujto a jun lugar tic vico', a in ayinec' d'ay.

Ex 3:5 Iomraidhean Croise

Ex 19:12

Tza'n 'ejm junc yechl 'a yich jun witz tic, sec man̈xtzac stac' yec' eb' 'anma ta'. Tzaln pax 'a eb', to niwn cab' yel'ch jun witz tic 'a sat eb', matz tac' sq'uet eb' 'a sjolm lu'um, matz tac' pax yochl eb' 'a yich lu'um. Toto 'ay junc eb' tz'ochl 'a yich lu'um, tojln̈ej cab' schami.

Ex 19:21

'Ix yaln Jehová 'ixtc 'a 'a: —A ticnec, 'ixic, 'at al 'a eb' et chon̈b' cha, to matz tac' sc'axw 'e't eb' 'a 'aj 'aycn 'ejm yechl o'oj, matz tac' ya'n pural eb' in yilni; to ma'ay, 'ay smay niwn eb' 'oj chamoc.

Ex 4:28

Xlajw cha, syamn 'och Moisés chi yaln 'a Aarón smasnil tas 'ix 'ajx yal yuj Jehová, yet' jun tzo'n̈ milagro 'ix 'ajx sb'o'.

Ec 5:1

A yic tzon̈ c'ochc 'a yatut Dios, yel xo wach' tzqui nitzc 'ochch qui b'a yic tzqui maclniec cab' tas tzalxi, 'a yib'n̈ to tzqui comn ta'wjec junc tas 'icha cob' tzyutj sb'a eb' may snab'en. A eb' cha, matz na eb' toto tu tas tzb'o eb'.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

A Tas Sc'ulejnac Eb' Schecab' Jesús Hechos 7:33

Xlajw cha, xyaln pax Cajlil 'ixtc 'a 'a: 'Ij 'el a xan̈ab', yujto a jun lugar 'aj 'aych 'ec' tic, caw niwn yel'chi.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

A Ch'an̈ Carta D'a Eb' Hebreo 12:20

'Ixta yutjnac sb'a eb', yujto ma'ix techj yuj eb' yab'n jun schecnb'il tzyal 'ixtic: Toto 'ay junc tzjaw 'a yich jun witz tic, wach'xam junc noc', yowlal tzjulx cham yet' q'uen q'ue'en, [mto tztecx cham yet' q'uen lanza,] xchi.

Josué 5:15

Ax win syajlil eb' soldado Jehová, 'ix ta'w win 'ixtc 'a Josué: —'Ij 'el a xan̈ab', yujto a jun lugar 'aj lin̈n ach 'ec' tic, to yicn̈ej Jehová yaji, xchi. Ax Josué, 'ix syiclj tas 'ix alx 'a 'a.

A Schab'il Carta San Pedro 1:18

A jun paxti chi 'ochnc 'a satchan̈ cha, caw cab'jnac yet' qui chicn on̈, yujto xit'nc on̈ 'ec' yet' Cajlilec 'a jun tzaln chi 'on̈. Atn 'a jun tzaln chi 'aj wulnc 'emt Dios.