Ex 3:4 - Chuj San Sebastian Bible

⁴ Ax yic 'ix yiln Jehová to wan sc'och Moisés chi 'a stz'ey te c'ac' cha, 'ix paxtin 'elt 'a scal te', xyaln 'ixtic: —Moisés, Moisés, xchi. —Waj Mamin, xchi Moisés cha.

Chuj San Mateo Bible

⁴ Ayic ix yilan Jehová to van snitzancot sb'a vin̈, ix avajelta d'a scal te' c'ac' chi': —Moisés, Moisés, xchi. —Oy, Mamin, xchi vin̈.

Ex 3:4 Iomraidhean Croise

Gn 22:1

'Ix 'ec' jun tiempoal, 'ix 'ajx prowal win Abraham yuj Dios, toto caw yel tzya'ch win sc'ojl 'a 'a, x'awtx cot win yuj Dios, 'ix ta'w win 'a 'ixtic: —Waj 'a tic Mamin, xchi.

Gn 22:11

Ax jun yángel Jehová, a 'ix 'awj 'emt 'a satcha'an̈, 'ix yaln 'ixtic: —Abraham, Abraham, xchi. —¿Tas tzal Mamin? xchi win 'a 'a.

Gn 28:16

A yic 'ix 'el swayn̈ Jacob, snan 'ixtic: Wal yel 'ayc' Jehová 'a jun lugar tic, an xo, caw wal man̈ wojcoc, xchi.

Gn 46:2

A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Ex 19:3

Ax Moisés 'ix 'at paxtinc yet' Jehová Dios 'a sjolm lum witz cha, yujto a 'ix 'awtn paxtinc yet'oc, xyaln 'a 'ixtic: —Al jun tzo'n̈ paxti tic 'a eb' et israelal, atn eb' yin̈tl Jacob, to an Jehová in, an tzwal 'ixtic:

Ex 3:2

Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Ex 4:5

Xyaln pax Jehová chi 'ixtic: —Yuj tas 'ix el tic, yuj cha, ax ya'n 'och eb' et chon̈b' chi 'a sc'ojol, chajtlto 'ix in ch'ox in b'a 'ayach, an ton tic sDiosal in eb' a mam echam, atn Abraham, Isaac yet' Jacob.

Lv 1:1

'Ix yawtn Jehová Moisés 'a yol Mantiado 'aj tzchaj sb'a yet' eb' 'anma', 'ix yaln 'a 'ixtic:

A Tas Sc'ulejnac Eb' Schecab' Jesús Hechos 10:13

Xlajw yeml jun cha, 'ix yab'n Pedro yoch jun paxti', xyaln 'ixtic: —Pedro, q'uen̈ wa'an. Ma'cham jun tzo'n̈ noc' tic, tza chini, xchi.

A Tas Sc'ulejnac Eb' Schecab' Jesús Hechos 10:3

Ax 'a jun 'el, 'a yic am a las tres, 'icha to waychil x'aj yilni. 'Ay jun yángel Dios 'ix 'och 'a yol jun cuarto 'aj 'ayc' winac. 'Ix yaln jun ángel chi 'a win 'ixtic: —Cornelio, xchi.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.

Dt 33:16

Wach' cab' tz'aj smasnil sat te lob'tzal te tz'awx 'a sat lum lu'um, yuj swach'c'ojlal Jehová, atn jun sch'oxjnac sb'a 'a scal c'ac' 'aj wan stz'a jun te q'ui'ix. Cot cab' can smasnil jun tzo'n̈ yaxilal tic 'a yib'n̈ eb' yin̈tl José, yujto sic'b'il 'el win 'a scal eb' yu'tac.

A Ch'an̈ B'ab'el Libro Samuel 3:10

Ax Jehová 'ix c'ochx 'a Samuel, 'ix 'och wan ta', 'ix yaln 'icha 'ix yutj yaln 'a yic b'ab'el: ¡Samuel! ¡Samuel! xchi. —Paxtinan̈ Mamin, tic tzin maclj an a checb' in tic, al tas tzal 'ayin, xchi Samuel cha.

A Ch'an̈ B'ab'el Libro Samuel 3:4

'ix 'awtx Samuel yuj Jehová 'ixtic: —¡Samuel! xchi. —¡Waj 'a tic! xchi winac.

A Ch'an̈ B'ab'el Libro Samuel 3:6

'Ix 'awj pax Jehová jun 'ejm xo 'ixtic: —¡Samuel! xchi. 'Ix q'uex wan win 'unn cha, 'ix 'atx 'a 'aj 'ayc' Elí, xyaln 'ixtic: —Tic tzin jawi, ¿tas tzal 'ayin? xchi. —Ach 'un, may ach tzach wawtej, 'ixc wayoc, xchi.

A Ch'an̈ B'ab'el Libro Samuel 3:8

Palta 'ix 'awj pax Jehová 'a yox'ejmal 'a 'a, 'ix q'ue wa'an, 'ix 'atx 'a 'aj 'ayc' Elí cha, 'ix yaln 'ixtic: —Tic tzin jawi, ¿tas tzal 'ayin? xchi. 'Ixta to b'i'an, 'ix nachj 'el yuj Elí, to a Jehová tz'awtn win quelm 'unn cha.