Ex 3:2 - Chuj San Sebastian Bible

² Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Chuj San Mateo Bible

² Ata' ix sch'ox sb'a jun yángel Jehová d'a scal jun te' q'uiix ayoch sc'ac'al. Vach'chom te ov sq'ue tin̈ton sc'ac'al te', palta max tz'aemlaj te'.

Ex 3:2 Iomraidhean Croise

Gn 21:17

A Dios 'ix 'ab'n yoc' pax win 'unn cha. Ax 'a satcha'an̈, ata 'ix 'awj 'emt jun yángel Dios 'a 'ix Agar cha, 'ix yalni: ¿Tas tzach 'i'n Agar? Man̈ ach xiwoc, a Dios 'ix 'ab'n yel yaw win 'unn 'a 'aj 'ix a'cn cha.

Gn 22:11

Ax jun yángel Jehová, a 'ix 'awj 'emt 'a satcha'an̈, 'ix yaln 'ixtic: —Abraham, Abraham, xchi. —¿Tas tzal Mamin? xchi win 'a 'a.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

Salmos 66:12

On̈ ac' 'a yol sc'ab' eb' 'ajc'ojl yajch 'ayn̈ on̈, ax eb' laj on̈ te'wtan̈ni. On̈ laj 'ec' 'a scal a a', yet' 'a scal c'ac', palta ax 'a slajub', xa'n pax qui tzaljc'ojlal on̈.

Ex 19:18

Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Ex 23:20

'Oj in checb't jun wángel eyet'oc yic tzex stan̈wni 'a yol b'e, ax ex yi'n 'at 'a jun lugar 'ajtil wach'x yaj wu'uj.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Ex 3:16

'Ixic, 'at yamb'tzej eb' yichm wincal chon̈b' Israel, tzaln 'a eb' 'ixtic: A Jehová qui Diosalec yet' eb' qui mam quicham, atn Abraham, Isaac yet' Jacob, a 'ix sch'ox sb'a 'ayin, 'ix yaln 'ixtic: Wal yel tzwil tas tz'aj eyixtx 'a Egipto.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Dn 3:27

Xlajw cha, 'ix c'och smasnil eb' yit yajlil win rey chi 'a stz'ey eb' quelm winc cha. 'Ix yiln eb' to may jac sniwnal eb' stz'a yuj te c'ac' cha, may pax jac xil sjolm eb' stz'a'i, may xon x'i'n jac spichl eb' yuj te', may xon jac sjab' te c'ac' chi 'aych 'a eb'.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mr 12:26

Palta toxnto checl xon yaji, to 'oj pitzwc pax eb' chamnac. ¿Tom mant 'a 'aj xeyila tas stz'ib'jnac can Moisés 'a Ch'an̈ U'un̈, yic spaxtin Dios 'a scal te q'ui'ix yic yaln 'ixtic: An ton tic sDiosal in Abraham, Isaac, yet' Jacob? xchi.

Lc 20:37

A Moisés, ya'jnac 'ojcaxc 'eli, chajtlto 'oj pitzwc pax eb' chamnac, yic stz'ib'n yab'xil yic stz'a te q'ui'ix. Ata yaljnac can Dios 'ixtic: An ton tic, sDiosal in Abraham, Isaac, yet' pax Jacob, xchi.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Dt 33:16

Wach' cab' tz'aj smasnil sat te lob'tzal te tz'awx 'a sat lum lu'um, yuj swach'c'ojlal Jehová, atn jun sch'oxjnac sb'a 'a scal c'ac' 'aj wan stz'a jun te q'ui'ix. Cot cab' can smasnil jun tzo'n̈ yaxilal tic 'a yib'n̈ eb' yin̈tl José, yujto sic'b'il 'el win 'a scal eb' yu'tac.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

Jueces 13:13

'Ix ta'w win yángel Jehová chi 'ixtc 'a 'a: —Syiclc cab' 'ix estl chi tas xwal 'a 'a: