Ex 28:40 - Chuj San Sebastian Bible

⁴⁰ Tza'n b'o pax sjucn pichl eb' yunnal Aarón. Tzb'o pax sjal-l snan̈l spichl eb', yet' pax sc'oxl sjolm eb'. Wach' tz'aj sb'o'i, sec wach' yilx eb' yet' spichl cha, niwn cab' pax yel'ch eb' 'a sat 'anma'.

Chuj San Mateo Bible

⁴⁰ Tzac'pax b'ojoc spichul eb' yuninal vin̈aj Aarón chi', aton sjucan pichul eb', stzec'ul eb' yed' sc'ox eb'. Yic vach' yilji eb', yic nivan pax yelc'och eb'.

Ex 28:40 Iomraidhean Croise

Ex 28:2

Tza'n b'o spichl o'tac Aarón. A te pichl to tzictzni yilxi, te yel xo wach', a te tzac' b'o'oc.

Ex 28:4

A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Ex 29:8

Tzaln pax 'a eb' yunnal to tzjaw eb' 'a a tz'ey yic tza'n 'och sjucn pichl eb'.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Lv 16:24

Tz'achn 'a jun lugar sic'b'il 'eli, tzlajw cha, tzya'n pax 'och spichl tzc'an xon 'a yopiso. Tzlajw cha, tzya'n tz'a no xajmb'al to mun yico', yet' pax no yic eb' chon̈b' cha, sec 'ixta tz'aj yajx lajwc smul yet' pax yic eb' chon̈b' chi smasnil.

Lv 8:13

Xyaln Moisés to tzjaw pax eb' yunnal Aarón chi 'a stz'ey. 'Ix ya'n 'och sjucn pichl eb', sjal-l snan̈l eb' yet' pax sc'oxl sjolm eb', 'icha wal xyutj Jehová yalni.

Tito 2:10

Matz tac' yelc'n eb' junc tas 'a 'a. Yowlal caw tojl tzyutj sb'a eb', tzch'oxn eb' swach' b'eyb'al. Toto 'ixta', 'oj yil eb' 'anma', to caw wach' jun tzo'n̈ cuynb'il yic Dios, atn qui Colmal.

Tito 2:7

Ach xo, caw wach' tzotj a b'eyb'al yil eb' ta'. Cojn jun tzo'n̈ cuynb'il caw yel tzal 'a eb'. Man̈toc ton̈j tzach molamani, yic tza cuyn eb'.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.