Ex 28:4 - Chuj San Sebastian Bible

⁴ A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Chuj San Mateo Bible

⁴ A juntzan̈ pichul sb'o chi', aton juntzan̈ tic: A c'apac smacul sn̈i' sc'ool yed' c'apac chaleca. Sb'opax jun pichul jucan yed' junxo pichul yelxo val te jucan ol och d'a yool, tz'och yelvanub'. Sb'opax sc'oxal sjolom sb'ac'chajochi yed' stzec'ul snan̈al. Yuj chi', b'ochajocab' pichul to yicn̈ej yopisio vin̈aj Aarón chi'. Sb'ochajpax spichul eb' yuninal vin̈ chi', yic vach' tz'och eb' d'a yopisio d'a sacerdoteal d'ayin.

Ex 28:4 Iomraidhean Croise

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

Ex 29:6

Tza'nq'ue sc'oxl sjolom, ax 'a te sc'oxl sjolm cha, ata tza'ch jun q'uen placa tzch'oxn 'eli, to wicn̈ej yaji.

Ex 39:28

An̈jtona', 'ix b'o pax te sc'oxl sjolom, yet' jun tzo'n̈ xo sc'oxl sjolm eb', yet' pax te cutin wex, 'ix b'o eb' te 'a te lino ch'al ch'umb'il.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Ef 6:14

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol.

1 Ts 5:8

Palta an̈ec tic, yic on̈c xo c'ual. Yuj cha, caw te'n tzcutjec qui nab'en. Yowlal tzqui wach' 'a'jec 'och Cristo 'a qui c'ojol. An̈jtona', 'ay cab' pax qui chamc'ojlalec. Toto 'ixta', lajn on̈c 'icha eb' soldado tzcol sb'a yet' sq'uen pichl 'aych 'a sn̈i sc'ojol. Yowlal tzca'c 'och yipc qui c'ojol, to colchjnacn̈ec. Toto 'ixta', lajn on̈c 'icha eb' soldado c'oxb'il sq'uen xumpiln yu'uj. 'Ixta tzcutjec qui coln qui b'a.

Apoc 9:17

'Icha waychil xwutj wiln schej eb' cha. A eb' 'ay q'ue 'a yib'n̈ no chej cha, 'aych q'uen 'a sn̈i sc'ojl junjn eb', 'ay chac, ya'ax, yet' c'an. Ax sjolm e no schej eb' cha, lajn 'icha sjolm no león. Ax 'a sti e no', ata x'elt c'ac', tab', yet' azufre.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.

A Ch'an̈ B'ab'el Libro Samuel 22:18

Yuj cha, xyaln win rey chi 'ixtc 'a Doeg win edomita: —Mil cham ewin ach tic, xchi winac. Yuj cha, syamn 'och win Doeg smiln cham eb'. A wal 'a yic jun c'u cha, 'ay 85 sb'isl eb' winc smil cham winac, atn eb' tz'a'n 'och te pichl chaleco to nab'a lino.

A Ch'an̈ B'ab'el Libro Samuel 23:6

A Abiatar yunnal Ahimelec, win x'at 'eloc, 'ix c'och yet' David 'a chon̈b' Keila, yet' win jun camx chaleco.

A Ch'an̈ B'ab'el Libro Samuel 30:7

'Ix yaln 'ixtc 'a win ya'mal 'och sti eb' 'anma 'a Dios, atn Abiatar yunnal Ahimelec: —Tzin tew wal 'ayach, 'ij cot te camx chaleco 'ayin, xchi 'a 'a. 'Ix yi'n cot Abiatar te 'a David cha.