Ex 28:34 - Chuj San Sebastian Bible

³⁴ tzyal 'el'chi, jun q'uen yune campana, jun pax te ch'al 'icha sat te granada cha. 'Ixtan̈ej tz'ajch 'a sti te yoctc chi smasnil.

Ex 28:34 Iomraidhean Croise

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

Ex 28:33

Tza'n 'ajxoc 'och yelwnub'l sti yoctc te jucn pichl cha. Tzb'o yechl granada 'a te q'uic'mucnac ch'al, te púrpura, yet' chac, caln tz'aj yoch 'a stitc yoctc yet' eb' q'uen cotc campana to nab'a oro. Tz'och 'a te yoctc chi smasnil;

Ex 28:35

A yic 'oj yilnc Aarón yopiso, yowlal tzya'ch jun pichl cha, yic tzya'n 'och sti eb' 'anma 'ayin, sec a yic tz'ochch 'a yol in cajnub' mto 'a yic tz'el paxta, to checl cab' sc'an̈ eb' q'uen cotc campana chi 'a sti spichl cha, sec matz chami.

Ex 39:22

A te jucn pichl 'aych 'a yojl te chaleco cha, 'ix jalx b'o te yet' te q'uic'mucnac ch'al.

Ex 39:26

A 'a te pichl yic 'opiso cha, ata 'ix 'och eb' q'uen cotc campana, tzyal 'el'chi, jun q'uen yune campana, jun pax te yechl granada cha, stzol-l 'ix 'ajch 'a yoctc te pichl cha. 'Ix b'o wal 'icha yaj yaln Jehová 'a Moisés.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Cantares 4:13

Lajn ach 'icha 'aj 'ay te 'awb'ente granado wan swolni, ax eb' te sat cha, caw wal chi eb' te', 'icha pax 'aj 'awb'il te alheña tznichni,

Cantares 4:3

Caw chac yilx yol a ti' 'icha te chac ch'al, caw nib'jub'tac pax yilxi. A spac'b'il a ti', lajn yilx 'icha yojl chat'axc sat te granado polb'il 'ati, checl a sat chi 'a yojl te nip cha.

Cantares 6:11

In xit' b'eyc'oc 'a calc te nogales, yic tz'at wilnc smasnil te te tzwoln 'a lum pan̈an, 'ix in nib'j wal xwila toto wan scan sat te uva, yic tzwiln paxi toto wan scan snichte granado.

Cantares 6:7

A spac'b'il a ti', lajn yilx 'icha yojl chat'axc sat te granado polb'il 'ati, checl a sat chi 'a yojl te nip cha.

Cantares 8:2

Toto 'ixta', tztac' am ach wi'n 'at jac 'a yatut in nun, tzach wij 'och am 'a yol yatut cha, ach am tzach 'och in cuymaloc. An am tzwac' oc' yal uva to caw wach', tzwa'n pax oc' yalil sat te in granado.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.