Ex 28:15 - Chuj San Sebastian Bible

¹⁵ A te smacl sn̈i sc'ojl cha, yopiso te ya'n nachjc 'el yuj win sat ya'mal 'och sti eb' 'anma' tas in nib'b'en. Lajn wal tz'aj sb'o te 'icha te camx chaleco cha. Wach' tz'ajch yelwnub'al, tzb'o yet' oro, te q'uic'mucnac ch'al, te púrpura, te chac yet' te lino ch'umb'il.

Chuj San Mateo Bible

¹⁵ Axo c'apac yic sn̈i' sc'ool, tz'och yopisio yic snachajel tas in gana, lajan val tzutej icha val tz'aj sb'o chaleca chi'. A an̈ lino b'ayb'il tz'och d'ay, aton an̈ b'ob'il yuj junoc jelan sch'alvi. Tz'och q'uen oro icha ch'al d'a scal yed' lana ch'al q'uic'mutz'inac, yaxmaquinac yed' chacchac.

Ex 28:15 Iomraidhean Croise

Ex 26:1

'Ix yaln pax Jehová 'ixtic: Tza'n b'o in cajnub' yet' lajn̈e te cortina. A te lino ch'al ch'umb'il sat tz'och 'a 'a. Tza' b'o yet' te q'uic'mucnac ch'al, te púrpura yet' te chac. Tzlajw cha, tza'n tz'isxoc 'och yechl eb' querubín 'a eb' te'. A junc mach jeln stz'iswi, a tz'isn 'ochi.

Ex 26:36

Tza'n b'o junx te cortina tz'och smacloc sti Mantiado, tzb'o yet' te q'uic'mucnac ch'al, te púrpura, te chac yet' te lino ch'umb'il, wach' tz'aj yoch yelwnub'l yuj mach tzb'oni.

Ex 28:14

Tza'n b'o jun q'uen cadena yet' chab' sch'an̈il, oro pax tz'aji, tzlajw cha, tza'n 'och 'a stitc syamnub'l cha.

Ex 28:16

Chapacn tz'aji, lajn pax tz'aj sat 'a schan̈ paq'uil, 22 centímetro tz'aj junjn stitc cha.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Ex 28:4

A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Ex 28:6

A te camx 'icha chaleco cha, oro tz'aj te', tz'och te q'uic'mucnac ch'al 'a te', te púrpura, te chac yet' te lino ch'umb'il, wach' tz'ajch yelwnub'al.

Ex 29:5

Tze'n cot te spichl eb' yic yopiso cha, tza'n 'och pichl Aarón, atn te jucn pichul, te spotil, te scamx chaleco, te smacl sn̈i sc'ojol, tza'n 'och sjal-l snan̈l te camx chaleco cha.

Lv 8:8

Ax 'a spatquil te', ata xya'ch pax te smacl yic sn̈i sc'ojol, a 'a te' 'ix ya'ch q'uen Urim yet' q'uen Tumim.