Ex 28:12 - Chuj San Sebastian Bible

¹² Tzlajw cha, tza'n 'och eb' q'uen 'a te sc'ab' te pichl chi tz'ec' 'a squelb' te camx 'icha chaleco cha, tz'ochcn eb' q'uen snanb'ilc cot smasnil eb' yunnal Israel. Ax Aarón, 'oj yic b'ey jun tzo'n̈ b'i tic 'a squelab' yic tz'ochch 'a wojltac an Jehová in.

Chuj San Mateo Bible

¹² A d'a c'apac sjolom sjen̈jab' jun chaleca chi' tz'ac'jioch q'ueen. A yopisio juntzan̈ q'uen chi' yic snachajcot eb' yin̈tilal Israel. Icha chi' tz'aj yic'anec' sb'i eb' israel chi' vin̈aj Aarón d'a sjolom sjen̈jab' ayic tz'ochc'och vin̈ d'a vichan̈ yic tzin naancot eb'.

Ex 28:12 Iomraidhean Croise

Job 31:36

Tzwac' q'ue am jun tzo'n̈ spaxti chi 'a sjolm in quelab', mto tzwac' q'ue 'a in jolm 'icha junc corona. Caw am tzin b'an̈ cob' in b'a yet'oc.

Salmos 89:19

Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 28:11

A mach tz'a'n can 'och jun tzo'n̈ b'i chi 'a q'uen q'uen cha, a cab' junc mach yojc sb'on q'uen q'uen wach' yilxi. A tzb'on can 'och jun tzo'n̈ b'i cha, 'icha wal stz'ib'l junc seyo, 'ixta tz'ajcn 'ochi.

Ex 28:29

Ax yic tz'och Aarón 'a yojl in cajnub' 'a wojltac, 'aych jun pichl chi yu'uj, 'a 'aj 'aych eb' q'uen q'uen tzch'oxn 'el in nib'b'en. An̈jtona', a pax ta 'aych eb' q'uen q'uen 'aj 'aych sb'i eb' yunnal Israel, sec a yic tz'ochch 'a wojltac, tzin nan cot eb'.

Ex 28:7

Tzb'o chapachn̈ sc'ab' tz'ec' 'a squelab', sec a tzyamn te pichl chi 'a spatquil yet' te yic yojltac cha.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 62:6

Ex 'aj Jerusalén, xwa'cn 'och e tan̈mal 'a yib'n̈ smuroal e chon̈ab', sec sc'ual yac'wlil stew eb' eyu'uj. Ax tzex tew 'a Jehová cha, man̈ 'och cab' wan eyaln e b'a 'a 'a.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Lv 24:7

Tza'n 'ejm incienso caw wach' 'a yib'n̈ junjn latz'an̈, sec a jun incienso chi 'oj tz'a 'a wojltac yic tzch'oxn 'eli, to wic yaj 'ixm pan cha.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 31:54

A yic xlajw schan 'ec' Moisés yet' Eleazar jun tzo'n̈ oro chi 'a eb' syajlil eb' soldado cha, 'ix yi'n 'at eb' 'a yol Mantiado 'aj tzchaj sb'a Dios yet' eb' 'anma', sec wach' to tznax cot eb' israel chi yuj Jehová.

Lc 1:54

'Ix 'och quet' an̈ israel on̈c tic, to ya'maln̈ec servil. Caw tz'o'chn̈ej sc'ojl 'ayn̈ec,

Lc 1:72

Yaln can paxi, to 'oj 'o'ch sc'ojl 'a eb' qui mam quichmec. Ma'oj sat sc'ojl 'a jun strato ya'jnac 'a eb', yujto a jun strato cha, yicn̈ej yaji.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

1 Co 11:24

Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.