Ex 27:1 - Chuj San Sebastian Bible

¹ 'Ix yaln pax Jehová 'ixtic: Tza'n b'o pax junc yet'l xajmb'al to lajn tz'aj spac'b'il 'a schan̈il. A te 'a'nte acacia tz'och 'a 'a. Chab' metro yet' o'e schawinc centímetro tz'aj junjn spac'b'il, jun metro yet' o'eschawinc centímetro tz'aj ste'il.

Chuj San Mateo Bible

¹ Sb'ochajpax junoc altar d'a te' chemte' nab'a acacia, lajann̈ej tz'aj yechel schan̈il pac'an̈. Chab' metro yed' 25 centímetro tz'aj junjun pac'an̈, jun metro yed' 25 centímetro tz'aj schaan̈il.

Ex 27:1 Iomraidhean Croise

A Ch'an̈ Schab'l Libro Samuel 24:18

A 'a jun c'u cha, 'ix jaw win Gad 'a David, xwul yalnoc 'a win 'ixtic: Q'uen̈ c'och 'a ste'lab' trigo win Arauna jebuseo, tza b'on chan̈ junc yet'l xajmb'al 'a Jehová ta', xchi.

A Ch'an̈ Schab'il Libro Yic Yab'ixal Eb' Rey 16:14

Ax pax jun yet'l xajmb'al to nab'a bronce 'ay 'a yojltac yatut Jehová, 'ix ya'n win rey Acaz 'ijxoc 'el jun chi 'a snan̈l jun 'a't yet'l xajmb'al yet' yatut Jehová, ax 'a stojlal norte 'a jun 'a't yet'l xajmb'al cha, ata 'ix yac' 'ejmi.

1 Cr 6:49

An̈jtona 'a jun tiempoal cha, a Aarón yet' eb' yin̈til, a eb' tz'a'n tz'a ofrenda 'a yib'n̈ yet'l xajmb'al, yet' 'a yet'l yic incienso. An̈jtona', a pax eb' tz'iln smasnil 'opiso 'a jun Lugar cojn Dios 'ay yico', yet' yic tz'ajx lajwc smul eb' yit israelal eb', 'icha wal yutjnac Moisés yalni, win schecb' Dios.

2 Cr 4:1

An̈jtona', 'ix ya'n b'o jun yet'l xajmb'al to nab'a bronce, b'aln̈e metro spac'b'il, b'aln̈e metro schiquin, nan̈l yol metro ste'il.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Ex 35:16

Tzb'on eb' jun yet'l xajmb'al 'aj tz'a jun tzo'n̈ xajmb'al, tzb'on eb' jun srejail nab'a bronce tz'aj yet' syamc'ab'il, tzb'on pax eb' sb'achnub'al, tzb'on eb' q'uen palagan yet' sb'achnub'al yalan̈.

Ex 40:10

Tza tzicch pax jun perjuma chi 'a yib'n̈ jun yet'l 'aj tz'a no xajmb'al, yet' pax 'a smasnil syamc'ab'il. 'Ixta tzotj a'n can 'och 'a yopiso, yujto wicn̈ej tz'ajcni.

Ex 40:6

Tza'n 'ajxoc b'o 'ejm jun yet'l xajmb'al 'a yet'ul, atn 'aj 'oj tz'a no xajmb'al 'a sti 'elt Mantiado cha.

Nm 3:31

A eb' tic tz'iln te scaxail trato, te mexa, yet'l cantil, chab' yet'l xajmb'al, smasnil yamc'ab' tzc'anx 'a yol scajnub' Dios, yet' pax te cortina 'aych 'a yojol.

Nm 4:13

Yowlal tzeyij 'el q'uen ta'an̈ yet' no xepu tox scalj sb'a yet' q'ue'en 'a yet'l xajmb'al. Tzlajw cha, tze lan̈n jun yet'l xajmb'al chi yet' junc te nip púrpura.

Nm 4:14

Ax 'a yib'an̈, ata tzeyac' q'ue smasnil tas tzc'anx 'a jun yet'l xajmb'al cha: atn jun tzo'n̈ yet'l stzac'ac', jun tzo'n̈ syamnub'al, jun tzo'n̈ sluchlab'il, jun tzo'n̈ niwc 'uc'ab', yet' smasnil syamc'ab'il jun yet'l xajmb'al cha. Ax 'a yib'n̈ smasnil jun tzo'n̈ tic, ata tzeyac' q'ue junc no tz'um caw tzlab'b'i, tzeya'n pax 'och sb'achnub'al.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.