Ex 26:30 - Chuj San Sebastian Bible

³⁰ A yic tz'acw 'el'ch smasnil, tza b'on chan̈ in cajnub' 'icha wal tzwutj in ch'oxn yechl 'aych 'a sjolm lum witz tic.

Chuj San Mateo Bible

³⁰ Sb'ochajq'ue in cajnub' icha yaj yechel tzin ch'ox d'ayach d'a jolom vitz tic.

Ex 26:30 Iomraidhean Croise

1 Cr 28:19

Yuj cha, xyaln pax David 'ixtc 'a Salomón: Smasnil jun tzo'n̈ tic, tz'ib'b'il cani, caw a Jehová 'ix 'a'n nachjc 'el wu'uj, ata tzyal yuj tas tz'aj sb'o smasnil munljel cha, 'icha yaj 'a yechel.

Ex 25:40

Tzcham wal eln tas tz'aj sb'o'i, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a'n b'o'oc, xchi Dios 'a Moisés.

Ex 25:9

Palta a jun lugar 'aj tzin 'aj cajn cha, smasnil tas 'oj c'anxoc 'a yojol, lajnn̈ej tz'aj sb'o'i, 'icha wal yaj yechl 'oj in ch'ox 'ayach, xchi Dios.

Ex 26:29

Tzlajw cha, tza'n 'ajxoc 'och oro 'a eb' te 'a'nte cha, tza'n pax 'ajxoc 'och argoya nab'a oro 'a eb' te', sec ax eb' te can̈nub' 'ayx 'och oro 'a spatquil, wach' 'oj 'aj eb' te yec' 'a yojl eb' q'ue'en.

Ex 27:8

Tzcan̈cni tz'aj yojl jun yet'l xajmb'al cha, yujto 'a'nte tz'och 'a 'a, 'icha wal yechl tzel 'a sjolm lum witz tic, xchi Dios 'a Moisés.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Nm 10:21

Tza'n pax scot eb' yin̈tl Coat, a eb' 'et'jnac syamc'ab'il scajnub' Dios. Ax yic xjaw eb', tox 'ix b'o chan̈ scajnub' Dios chi yuj jun tzo'n̈ xo eb' yit levitail cha.

Nm 8:4

A jun yet'l cantil cha, b'ob'il yet' oro, tenb'il yet' martillo, tz'el yich 'a yib' masnto tzq'ue'ch 'a sjolm 'a 'aj 'aych svasoal 'icha snich yajchi. 'Ix yac' b'o Moisés jun yet'l cantil 'icha wal 'ix yutj Jehová sch'oxn yechl 'a 'a.

A Tas Sc'ulejnac Eb' Schecab' Jesús Hechos 7:44

A yic 'ix 'ec' eb' qui mam quichmec chi 'a jun cusltac lum cha, yet' eb' jun mantiado 'a 'aj 'ay sley Dios. Atn jun yet'l ya'jnac Moisés b'o'oc, 'icha yutjnac can Dios yaln 'a 'a, yic sch'oxn jun yechl 'a 'a.

A Ch'an̈ Carta D'a Eb' Hebreo 8:2

Wan ya'n 'och qui tic 'a 'a. 'Ayc' 'a yojl jun caw yel yatut Dios, atn jun mun b'ob'il yuj Cajlilec cha. Man̈ 'anmac b'ojnac.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

A Ch'an̈ Carta D'a Eb' Hebreo 9:23

Yowlal ya'jnac ton eb' jun tzo'n̈ xajmb'al, yic tzsacb'tzax jun tzo'n̈ cha. Palta a jun tzo'n̈ cha, ton̈j yechl tas 'ay 'a satcha'an̈. Ax jun tzo'n̈ tas 'ay 'a satchan̈ cha, yowlal tzsacb'tzax yuj junx xajmb'al caw yel xo niwn yel'chi.

Josué 18:1

'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.