Ex 25:10 - Chuj San Sebastian Bible

¹⁰ 'Ix yaln pax Jehová 'ixtic: Tzac' b'o junc caxa 'a te 'a'nte acacia, jun metro yet' lajn̈e xo centímetro tz'aj spac'b'il, 65 centímetro tz'aj schiquin, 65 centímetro pax tz'aj ste'il.

Chuj San Mateo Bible

¹⁰ B'oocab' junoc caxa, a te' acacia tz'och d'ay. Jun metro yed' 10 centímetro tz'aj sc'atul, 70 centímetro tz'aj sat, 70 centímetro pax tz'aj schaan̈il.

Ex 25:10 Iomraidhean Croise

2 Cr 8:11

'Ix yij 'el Salomón chi 'ix yisl win sreyl Egipto 'a yol Schon̈b' David, yujto chuc schon̈b' 'ix. Mun chuc sb'o win yatut 'ix, yujto sna'a, to a 'ix yistzil win cha, man̈ smojc tz'aj 'ix 'a yatut David sreyl can chon̈b' Israel, yujto a jun tzo'n̈ lugar 'aj 'ochnc te scaxail strato Jehová, caw wal niwn yel'chi.

Ex 31:7

Mantiado 'aj tzin chaj in b'a eyet'oc yet' smasnil syamc'ab'il, te scaxail in trato yet' smacl yib'an̈, te mexa yet' syamc'ab'il, jun yet'l cantil nab'a oro yet' syamc'ab'il, yet'l xajmb'al yic incienso; yet'l xajmb'al 'aj tz'a smasnil no xajmb'al yet' smasnil syamc'ab'il, q'uen palagan yet' sb'achnub'al yalan̈, te pichl caw wach' tz'aj sjalxi, atn te 'oj ya'ch Aarón yet' eb' yunnal, yic 'aych eb' 'a yopiso ya'n 'och sti eb' 'anma 'ayin.

Ex 35:12

Tzb'on eb' scaxail trato yet' scan̈nub'al, tzb'on eb' smac yet' pax jun te cortina tz'och smacoc.

Ex 39:32

'Ixtn tic wal x'aj sb'o 'el'ch scajnub' Dios, atn jun Mantiado 'aj tzchaj sb'a yet' eb' 'anma'. Sb'o eb' israel smasnil tas 'ix yac' Jehová b'o'oc, 'icha wal yaj yaln 'a Moisés, 'ixta 'ix 'aji.

Nm 3:31

A eb' tic tz'iln te scaxail trato, te mexa, yet'l cantil, chab' yet'l xajmb'al, smasnil yamc'ab' tzc'anx 'a yol scajnub' Dios, yet' pax te cortina 'aych 'a yojol.

Nm 4:5

A yic tz'atx eb' chon̈ab', ach xo Aarón yet' eb' onnal, ax tzeyij 'el eb' te cortina 'aych smacloc jun Lugar to cojn in 'ay wico'. Tzlajw cha, tze lan̈n scaxail in trato yet' te'.

Nm 4:6

Ax 'a yib'an̈, ata tzeyac' q'ue junc tz'um caw lab'mtac, sec a tzq'ue smacloc, ax 'a yib'n̈ jun tz'um cha, tzeyac' q'ue junc q'uic'mucnac nip. Tzlajw cha, tzeya'n 'och sb'achnub'al, sec wach' yijx b'eyoc.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.