Ex 24:8 - Chuj San Sebastian Bible

⁸ Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

Chuj San Mateo Bible

⁸ Ix lajvi chi', ix yic'ancot schiq'uil noc' vin̈, aton ix yac'canem vin̈ d'a yol juntzan̈ yed'tal chi', ix stzicanb'at vin̈ d'a yib'an̈ eb' anima chi'. Ix yalan vin̈ icha tic: —A jun chic' tic sch'oxani to tz'ochcan yopisio jun strato Jehová ix sb'o qued'oc tic, aton masanil tas ix yal d'ayon̈, xchi vin̈.

Ex 24:8 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:21

A pax 'a yojol, ata xwa'cn b'o jun lugar 'aj tzcan te caxa 'aj 'ay 'ejm strato Jehová ya'jnac can yet' eb' qui mam quichmec, yic yi'n 'elt eb' 'a lum Egipto, xchi Salomón.

A Ch'an̈ B'ab'el Libro Yic Yab'ixal Eb' Rey 8:9

May junc xo tas 'ay 'ejm 'a yojl te caxa cha, cojn wal chapachn̈ q'uen q'uen ya'jnac can 'ejm Moisés 'a yojl te 'a Horeb, tzcuch pax Sinaí, atn q'uen 'aj tz'ib'b'il can 'och strato Jehová ya'jnac can yet' eb' israel, yic yelt eb' 'a lum Egipto.

Salmos 78:36

Tzyal eb' wach' paxti cob' yet' sti', palta caw 'es tzyac' eb'.

Ex 24:6

Ax Moisés xchan schic'l no', 'ix ya'n 'ejm nan̈l 'a yol jun tzo'n̈ yet'ul, ax nan̈l xo, 'ix secq'ue 'a yib'n̈ jun yet'l xajmb'al cha.

Is 52:15

Til wal eb' nacion̈ 'oj sat sc'ojl yiln 'ochi. 'Ixta pax eb' rey, ton̈j 'oj 'och q'ueln eb' 'a 'a. May tas 'oj yal eb' yu'uj yic 'oj yilnc eb', yujto a tas mant 'aj tzyab' eb' yab'xil, 'oj nachjoc 'el yuj eb', xchi Dios.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.

Hageo 2:5

Man̈ ex xiwoc, yujto 'aychn̈ej Wespíritu eyet'oc, 'icha wutjnac wa'n can in ti', yic xwi'n 'elt eb' e mam eyichm 'a Egipto.

Zacarías 9:11

Ex 'aj Jerusalén, yuj wal schic'l jun xajmb'al, yuj cha, wach' yaj in trato eyet'oc, 'oj ex wic' q'uet 'a yojl jun oln caw xab' yich 'aj may a a', 'aj preso eyaji.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Mr 14:24

'Ix yaln pax 'a eb' 'ixtic: —Atn jun tic in chiq'uil, yu'uj, 'oj 'el'choc jun strato Dios tzat yac' 'ayex. 'Oj 'elcn in chic'l tic sec wach' til wal mach 'oj colchjoc yu'uj.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

1 Co 11:25

An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti, xchi Jesucristo.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Dt 5:2

A Jehová qui Diosalec, sb'o jun strato tic quet'ec 'a lum yich witz Sinaí.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Josué 24:25

A 'a jun c'u cha, ata 'ix tzjucb'tzej Josué eb' chon̈ab' yic tzb'on eb' jun strato yet' Jehová 'a lum Siquem. Ata xyac' jun tzo'n̈ checnb'il yet' jun tzo'n̈ ley 'a eb'.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.