Ex 24:6 - Chuj San Sebastian Bible

⁶ Ax Moisés xchan schic'l no', 'ix ya'n 'ejm nan̈l 'a yol jun tzo'n̈ yet'ul, ax nan̈l xo, 'ix secq'ue 'a yib'n̈ jun yet'l xajmb'al cha.

Chuj San Mateo Bible

⁶ Axo vin̈aj Moisés chi' ix chaan nan̈al schiq'uil noc', ix yac'anem vin̈ d'a yol juntzan̈ yed'tal, axo nan̈alxo, ix stzicanoch vin̈ d'a altar chi'.

Ex 24:6 Iomraidhean Croise

A Ch'an̈ Schab'il Libro Yic Yab'ixal Eb' Rey 17:15

'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Ex 12:22

Tze chan schic'l no 'a yol junc palagan, tze sayn jun yuchc te sc'ab' hisopo, tze lab'n 'ejm 'a scal schic'l no cha, tze sucn 'och 'a smasnil smarcoal smac eyatut. May junc ex tzex 'elt 'a sti smac eyatut, masnto tzsacb'i.

Ex 12:7

Smasnil te n̈a 'aj 'oj chixoc no noc' cha, junjn mamb'il 'oj succh jac schic'l no noc' chi 'a sjolm smarcoal smac yatut yet' 'a smarcoal 'a smo'och.

Ex 24:8

Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

Ex 29:16

Tzlajw cha, tza miln cham no', ax schic'l no', tza tzicb't 'a yib'an̈ yet' 'a schan̈paq'uil jun yet'l xajmb'al cha.

Ex 29:20

Tza miln cham no', ax jac schic'l no', tza succh 'a sjayl sti schicn Aarón 'a swach'. Tza'n 'och pax 'a yic eb' yunnal cha, tza'n 'och 'a sjolm snun sc'ab' eb' 'a swach' yet' 'a sjolm snun yoc eb' 'a swach'. Tzlajw cha, tza tzicn 'och schic'l no mam calnelu chi 'a yib'an̈ yet' 'a spac'b'il jun yet'l xajmb'al cha.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Lv 1:11

A 'a stojlal norte 'a jun yet'l xajmb'al cha, ata tzmilx cham no 'a wojltac, ax eb' yunnal Aarón, a eb' tzicn 'och schic'l no 'a yib'an̈ yet' 'a schan̈paq'uil jun yet'l xajmb'al cha.

Lv 1:5

Tzlajw cha, tzmiln cham no 'a wojltac an Jehová in, ax eb' yunnal Aarón, atn eb' ya'mal 'och sti eb' 'anma', a eb' tz'i'n cot schic'l no', tzicn 'och eb' 'a schan̈paq'uil jun yet'l xajmb'al 'ayc' 'a yojltac Mantiado.

Lv 3:2

A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Lv 3:8

a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado cha. Ax junc eb' yunnal Aarón cha, a tzicn 'och schic'l no 'a schan̈paq'uil jun yet'l xajmb'al cha.

Lv 4:6

Tzyac' 'ejm win yune sc'ab' 'a scal schic'l no cha, uc 'ejm tzic 'ejm win schic'l no chi 'a wojltac an Jehová in, atn 'a yojltac 'elt te cortina 'aych 'a yol in cajnub'.

1 Co 11:25

An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti, xchi Jesucristo.

A Scarta San Pablo D'a Eb' Aj Colosas 1:20

Tznib'j pax Dios, yuj Cristo junxn̈ej 'oj 'aj smasnil tas yet'oc, eb' 'ay 'a satcha'an̈, yet' eb' 'ay 'a yolyib'n̈q'uinl tic. Yuj wal cha, xcham Cristo 'a spenc te culus. 'Ix 'elcn schiq'uil, sec wach' junc'ojlal xoj 'oj 'aj smasnil yet' Dios.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 8:9

A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.

A Ch'an̈ Carta D'a Eb' Hebreo 9:18

Yuj cha, 'ixta 'ajnc jun b'ab'l trato. A yic yoch yopiso, 'ay jun tzo'n̈ chic' 'elnac.

A Ch'an̈ Carta D'a Eb' Hebreo 9:19

Yujto a Moisés 'awtjnac 'elt smasnil jun tzo'n̈ checnb'il yic jun ley chi 'a eb' qui mam quichmec. Xlajw cha, syamn chan̈ jun chac lana, yet' jun sc'ab' te hisopo. Ax 'a scal schic'l no quelm wacax, no quelm chiwo, caln yaj yet' a', slab'jnac 'ejmi, stzicn 'at 'a yib'n̈ ch'an̈ ley, yet' 'a yib'n̈ eb' 'anma'.

A Ch'an̈ Carta D'a Eb' Hebreo 9:21

An̈jtona', stzicjnac 'at Moisés chic' 'a yib'n̈ jun scajnub' Dios, yet' 'a smasnil jun tzo'n̈ yamc'ab' 'ay yopiso ta'.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.