Ex 24:4 - Chuj San Sebastian Bible

⁴ Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Chuj San Mateo Bible

⁴ Ix lajvi chi', ix stz'ib'an vin̈aj Moisés masanil tas ix yal Jehová. Axo ix sacb'inaj d'a junxo c'u, ix q'ue vaan vin̈, ix sb'oan jun altar vin̈ d'a yich vitz chi', ix yac'anq'ue lin̈an lajchave' q'uen q'ueen vin̈. A junjun q'uen q'ueen chi', junjun macan̈ yin̈tilal Israel sch'ox q'ueen.

Ex 24:4 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 28:18

Ax yic sacb' 'el 'a junx c'u cha, caw seb' q'ue wan Jacob, 'ix yi'n cot q'uen q'uen 'ix 'och sc'an̈jolmoc cha, slin̈n can chan̈ q'ue'en, yic tzcan q'uen yechloc jun lugar cha, secn can 'ejm aceite 'a yib'n̈ q'ue'en.

Gn 28:22

A 'aj 'ix in lin̈cn chan̈ jun q'uen q'uen tic, 'icha to yatut Dios tz'ajcni. A smasnil tas 'oj yac' 'ayin, 'oj wi'l junjn 'a junjn lajn̈e', ax wa'n 'a 'a, xchi.

Gn 31:45

Xlajw cha, xyi'n cot Jacob jun q'uen q'ue'en, slin̈n cha'an̈, yic tz'och ch'oxnb'ilal 'a eb'.

A Ch'an̈ B'ab'el Libro Yic Yab'ixal Eb' Rey 11:30

'Ix yi'n 'el Ahías jun spotl chi 'aych yu'uj, 'ix sjatn 'ati, lajchwe xyutj 'eli.

A Ch'an̈ B'ab'el Libro Yic Yab'ixal Eb' Rey 18:31

'Ix yi'n cot Elías lajchwe q'uen q'ue'en, yujto 'ixta sb'isl eb' yunnal Jacob, atn win 'aj alb'il yuj Jehová to Israel tz'aj sb'i.

Esdras 6:17

A yic cha, 'ix ya'n eb' jun tzo'n̈ xajmb'al tic: jun ciente no quelm wacax, chab' ciente no mam calnelu, chan̈e ciente no quelm calnelu, yet' lajchwan̈ no mam chiwo, junjn no chiwo chi 'a yic junjn macn̈ eb' yin̈tl Israel, yic tz'ajx lajwc smasnil smul eb'.

Nehemías 10:1

A eb' xya'cn 'ejm sb'i 'a ch'an̈ un̈ 'ix stz'ib'x can cha, atn eb' tic: Nehemías yunnal Hacalías, atn win gobernador. Xya'n pax eb' ya'mal 'och sti eb' 'anma 'a Dios yico': atn Sedequías, Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai yet' Semaías.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Ex 21:1

'Ix yaln pax Jehová 'a Moisés 'ixtic: Atn jun tzo'n̈ checnb'il tic 'oj ac' c'anlb'axc 'a scal eb' et israelal.

Ex 24:7

Xlajw cha, xyi'n chan̈ jun ch'an̈ un̈ 'aj tz'ib'b'il strato Dios, 'ix yawtn ch'an̈ 'a scal eb' yit israelal. Xlajw yawtx ch'an̈, xyaln eb' chon̈b' chi 'ixtic: —Smasnil tas xyal Jehová, tzca'ch 'a qui c'ojl qui yiclni, xchi eb'.

Ex 28:21

Lajchwe sb'isl eb' q'uen q'uen cha, yujto lajchwan̈ sb'isl eb' yunnal Israel, 'icha stz'ib'l junc seyo, 'ixta wal tz'ajcn 'och sb'i junjn 'in̈tal eb' 'a q'ue'en.

Ex 34:27

'Ix yaln Jehová 'ixtc 'a Moisés: Tz'ib'j smasnil jun tzo'n̈ paxti tic, yujto a eb' 'aych yipnub'alc in trato b'ob'il wuj et'oc, yet' pax eb' et israelal tic, xchi.

Is 19:19

A 'a jun tiempoal cha, 'ay jun yet'l xajmb'al yic Jehová 'oj b'o 'a yol smacb'en Egipto. Ax 'a sla'nil smon̈jon Egipto cha, ata 'oj lin̈xoc can chan̈ junc q'ue'en, yuj yi'nb'ilc chan̈ sb'i Jehová.

Lv 24:5

'Ijx cab' cot 'ixm harina caw wach', sec a 'a jun harina cha, ata tzb'o lajchwe'oc 'ixm niwc pan, chan̈e libra 'ixm harina tz'och 'a jun jun.

Nm 17:2

Al jun tic 'a eb' et israelal: To a junjn eb' yajl yaj 'a scal junjn 'in̈tal, yi' cot cab' junjn eb' sc'ococh, tzyal 'el'chi, lajchwe te c'occh chi 'a smasnil. Tza tz'ib'n 'och sb'i junjn eb' 'a sc'occh cha.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Gl 2:9

Ax Santiago, yet' Pedro, yet' Juan, niwn yel'ch eb' 'a sat eb' creyente ta'. Nachjnac 'el yuj eb', chajtlto a Dios 'a'jnac jun wopiso tic yuj swach'c'ojlal. Yuj cha, ya'jnac cot eb' sc'ab' 'ayn yet' Bernabé, qui yamlan qui c'ab' yet' eb' on̈, yujto lajn schajnac sb'a snab'en eb' quet' on̈. 'Ixta yutjnac eb' sch'oxni, to tznib'j eb' tzon̈ 'at 'a scal eb' man̈ israeloc on̈. Ax eb', an̈ja smunlj eb' 'a scal eb' quit israelal on̈.

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Josué 4:20

Atn 'a jun lugar chi 'aj 'ix ya'cn tusxoc can Josué lajchwe q'uen q'uen xyij q'uet eb' 'a yojl a Jordán cha.

Josué 4:5

xyaln 'a eb' 'ixtic: 'Ixquec 'a stz'ey 'aj 'ayc' scaxail strato Jehová qui Diosalec 'a spacl a Jordán cha, axta tze sic' chan̈ junjnoc e q'ue'en, junjn 'a junjn 'in̈tal, sec lajchwe tz'aj q'uen 'a smasnil.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.