Ex 24:16 - Chuj San Sebastian Bible

¹⁶ 'Ix 'eml stzictznil Jehová 'a sjolm lum witz Sinaí cha, waque c'u x'och oyn jun 'asn chi 'a sjolm lu'um. Ax 'a yucl c'u, x'awtx Moisés yuj Jehová 'a scal jun 'asn cha.

Chuj San Mateo Bible

¹⁶ Axo stziquiquial Jehová ix javi d'a yib'an̈ lum vitzal Sinaí chi', vaque' val c'ual ix och oyan asun d'a luum. Axo d'a yuquil c'ual ix avtajq'ue vin̈aj Moisés yuj Jehová d'a scal asun chi'.

Ex 24:16 Iomraidhean Croise

Salmos 99:7

A Dios 'ix sc'umj sb'a yet' eb' 'anma chi 'a scal jun topn̈ 'asun, 'ix syiclni eb' jun tzo'n̈ schecnb'il yet' sley xya'cn 'a eb'.

Ex 16:10

Wanto spaxtin Aarón 'a eb' 'anma cha, 'ix 'at q'ueln eb' smasnil 'a lum cusltac lu'um, axta sch'ox sb'a stzictznil Jehová 'a scal jun 'asun.

Ex 19:11

Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Ex 20:10

ax 'a yucl c'ual tzex 'ilji, yujto sc'ul 'iljelal. Matz tac' e munlj 'a jun c'u cha, yujto wicn̈ej yaji. Matz tac' smunlj eb' eyunnal, eb' eyisil, ewin e moso, eb' 'ix eya'mal servil, e cajb'en noc', mto eb' 'anma chuc chon̈b'al ton̈j 'ayc' eyet'oc.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Is 4:5

A 'a c'ual, 'oj ya'ch Jehová jun 'asn yen̈loc lum tzaln Sión yet' eb' 'anma 'oj syam sb'a ta'; ax 'a 'ac'wal, a jun c'ac' caw tzn̈ilchji, a 'oj 'a'nc sacq'uinl 'a eb', yujto a stzictznil Dios a 'ayc' 'a yib'n̈ eb' smasnil.

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Lv 9:23

Yajn̈j wal cha, x'och Moisés yet' Aarón 'a yol Mantiado, ax yic x'el paxt eb', xyaln eb' wach' paxti 'a yib'n̈ eb' chon̈b' smasnil. Xlajw cha, sch'oxn Jehová stzictznil 'a smasnil eb' 'anma cha.

Lv 9:6

'Ix yaln Moisés 'a eb' 'ixtic: Atn wal jun tzo'n̈ tic tzyac' Jehová e b'o', sec wach' 'oj sch'ox wal spoder 'ayex, xchi.

Nm 14:10

Wach'xam 'ixta xyutj eb' yalni, palta ax eb' 'anma cha, snib'j eb' sjulq'uenoc eb'. Yuj cha, sch'oxn sb'a stzictznil Jehová 'a sti Mantiado 'aj tzchaj sb'a yet' eb' 'anma'. Smasnil eb' israel cha, 'ix yil eb'.

Nm 16:42

Smasnil eb' 'anma cha, 'ix 'och oyn eb' yowx 'och 'a Moisés yet' 'a Aarón, xlaj 'at q'ueln eb' 'a 'aj 'ay Mantiado cha. Yajn̈j wal cha, x'och oynjoc 'asn 'a yib'an̈, 'ix sch'oxn sb'a stzictznil Jehová.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.