Ex 24:14 - Chuj San Sebastian Bible

¹⁴ A yic mantzac 'ati, 'ix yaln can 'ixtc 'a eb' yichm wincal chon̈ab': —Cann̈ec can 'a tic, masnto tzon̈ japx on̈, 'oj can Aarón yet' Hur eyet'oc. Toto 'ay tas tze nib'j tzb'oyaji, a eb' tic 'oj b'oncyaj 'ayex, xchi 'a eb'.

Chuj San Mateo Bible

¹⁴ Ayic manto b'atlaj vin̈, ix yalan vin̈ d'a eb' yichamtac vinaquil chon̈ab' chi': —Canan̈ec d'a tic masanto ol on̈ emxuloc. Ayec' vin̈aj Aarón yed' vin̈aj Hur eyed'oc. Tato ay tas e gana sb'oi, a eb' vin̈ tic ol b'oan d'ayex, xchi vin̈aj Moisés chi'.

Ex 24:14 Iomraidhean Croise

Gn 22:5

Xlajw cha, xyaln 'a ewin schecb' chi 'ixtic: —Cann̈ec 'a tic yet' no b'uru tic, an xo yet' jun wunnal tic, 'oj qui 'at jacx on̈ yic tz'at qui'noc 'ejm qui b'a 'a Dios on̈. Tzlajw cha, tzon̈ japx 'ayx tic on̈, xchi 'a ewinac.

Ex 17:10

Syiclni Josué tas 'ix yal Moisés, 'ix 'at ya'nc owl yet' eb' amalecita cha. Ya' sb'a cha, ax Moisés yet' Aarón, yet' pax Hur, 'ix 'at eb' 'a lum jolm tzaln cha.

Ex 17:12

Caw wal tzc'unb' sc'ab' Moisés yi'n cha'an̈, yuj cha, sayn eb' jun q'ue'en, sec ata tz'em wocan. Ax Aarón yet' Hur, a eb' xyamn chan̈ sc'ab' Moisés cha, junjn eb' 'a junjn sc'ab', masnto x'em c'u.

Ex 18:16

Tzlaj jaw eb' 'ayn yuj owl tzq'ue wan 'a scal, an xo tzin b'oyaj eb'. Tzlajw cha, tzwaln schecnb'il Dios yab' eb', xchi Moisés.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

A Ch'an̈ B'ab'el Libro Samuel 10:8

Tzlajw cha, tzach b'ab'l c'och 'ayn 'a Gilgal, tza'n xoj 'oj in c'och o'oj, ax wa'n tz'a no xajmb'al ta', yet' pax no xajmb'al yic junc'ojlal. Tzin a tan̈wj ta uque'oc c'u masnto 'oj in c'och 'ayach, ax waln 'ayach tas 'oj a b'o', xchi Samuel.