Ex 24:13 - Chuj San Sebastian Bible

¹³ 'Ix 'at Moisés 'a sjolm lum witz chi yet' Josué atn jun schecab'.

Chuj San Mateo Bible

¹³ Ix q'ue vin̈aj Moisés d'a lum vitz chi' yed' vin̈aj Josué vin̈ scolvaj yed' vin̈.

Ex 24:13 Iomraidhean Croise

Ex 18:5

A yic xyab'n win Jetro cha, to a 'a lum cusltac lu'um, ata 'ay scamplamento Moisés yet' eb' yit chon̈b' 'a lum tzaln 'aj tzch'ox sb'a Dios, yuj cha, 'ix 'at Jetro chi yila', ajun 'ix yistzil Moisés chi yet'oc, yet' chawn̈ ewin yunnal eb' cha.

Ex 19:3

Ax Moisés 'ix 'at paxtinc yet' Jehová Dios 'a sjolm lum witz cha, yujto a 'ix 'awtn paxtinc yet'oc, xyaln 'a 'ixtic: —Al jun tzo'n̈ paxti tic 'a eb' et israelal, atn eb' yin̈tl Jacob, to an Jehová in, an tzwal 'ixtic:

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Ex 32:17

Ax yic wan yemxwul eb' 'a sla'nil eb' chon̈b' cha, xyab'n Josué yel yaw eb' 'anma cha, 'ix yaln 'a Moisés 'ixtic: —Coyn wal to owl 'aych yuj eb' 'anma chi 'a yol camplamento, xchi.

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Ex 4:27

'Ix yaln Jehová 'ixtc 'a Aarón: 'Ixc 'at chaj o'tac Moisés 'a cusltac lu'um, xchi. Yuj cha, x'at Aarón 'at scha jun yu'tac chi 'a lum cusltac lu'um, atn 'a lum witz 'aj 'ix sch'ox sb'a Dios Moisés. Ax yic schan sb'a eb', 'ix laj ya'lanc eb' stzatzl sc'ojol, stz'ub'nc 'elt eb' sti'.

Nm 11:28

Ax Josué win yunnal Nun, yictax quelm 'unin 'aych xon colwjoc 'a Moisés, a 'ix aln 'ixtic: —Mamin Moisés, a ticnec alb't 'a eb' chawn̈ cha, to tz'och wan eb' spaxtini, xchi.

Josué 1:1

A yic tox xcham Moisés win schecb' Dios, ax 'a Josué win yunnal Nun, win colwjum 'a Moisés, ata xpaxtin pax Jehová, xyaln 'ixtic: