Ex 24:1 - Chuj San Sebastian Bible

¹ 'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Chuj San Mateo Bible

¹ Ix yalan Jehová d'a vin̈aj Moisés chi' icha tic: —Tzach q'ueta d'a lum vitz b'aj ayinec' tic yed' vin̈aj Aarón, vin̈aj Nadab yed' vin̈aj Abiú yed' pax 70-oc eb' yichamtac vinaquil e chon̈ab'. A eb' chi' najatto scan eb' yaq'uem sb'a d'ayin.

Ex 24:1 Iomraidhean Croise

1 Cr 6:3

A eb' yunnal Amram: atn Aarón, Moisés yet' María. A eb' yunnal Aarón: atn Nadab, Abihú, Eleazar yet' Itamar.

Ex 1:5

'Ay 70 sb'isl smasnil eb' yin̈tl Jacob ajun yet'oc yic xc'och 'a Egipto, al pax win José, 'ayc' xon win ta'.

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Ex 19:24

'Ix yaln pax Jehová: —Paxn̈ 'ejm jun 'ejm xo, a yic tzach q'uexwuli, ajun xo cab' Aarón et'oc, ax eb' ya'mal 'och sti eb' 'anma', yet' smasnil eb' chon̈ab', matz tac' xon sc'axw 'e't eb' 'a 'ajtil 'aycn 'ejm yechl o'oj, sec matz q'uel eb' 'a 'aj 'ayn 'ec' tic; to ma'ay, xin milt cham eb', xchi Dios.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Ex 20:21

Ya' sb'a najt yajl eb' chon̈b' cha, ax Moisés 'ix c'och 'a stz'ey jun q'uic' 'asn 'a 'aj 'ayc' Dios.

Ex 24:15

A yic xlajw yaln jun tzo'n̈ cha, 'ix 'ati, yajn̈j wal cha, 'ix 'och oyn̈joc jun 'asn 'a lum witz cha.

Ex 24:2

Ach xo ach Moisés ach tic, cojn ach tztac' a jaw 'a in tz'ey an Jehová in. Ax eb' ajun et' cha, matz tac' sjaw eb', an̈jtona eb' chon̈b' cha, matz tac' sq'uet eb' et'oc, xchi Dios 'a Moisés.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Ex 28:1

'Ix yaln pax Jehová 'ixtic: 'Awtj cot o'tac Aarón yet' eb' yunnal, atn Nadab, Abiú, Eleazar yet' Itamar. Sic' 'elt eb' 'a scal eb' eyit israelal sec a eb' 'oj 'och ya'malc 'och sti eb' 'anma 'ayin.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Ex 34:2

Tza'n lista a b'a 'a sq'uin̈b'il q'uic'an yic tzach jaw 'a wojltac 'a sjolm lum witz tic.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Ez 8:11

A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.

Nm 11:16

Yuj cha, 'ix ta'w Jehová 'a 'ixtic: —Yamb'tzej junc 70 eb' yichm wincal chon̈b' tic, tzel eb' niwn yel'ch 'a scal eb' chon̈ab'. Tzlajw cha, tze'n 'at eb' 'a sti in cajnub' 'a 'aj tzin chaj in b'a eyet'oc, ata tzin a tan̈wj yet' eb'.

Lc 10:1

Xlajw xoj cha, xya'n 'och Cajlil yopiso jun tzo'n̈ xo eb' scuywum, 72 sb'isl eb'. 'Ix sb'ab'l checj 'at eb'. Chatcwan̈il x'aj eb' s'at 'a junjn chon̈ab', yet' 'a junjn lugar 'aj 'oj 'ec' pax Cajlil cha.

Lc 10:17

A eb' 72 cha, caw tzaljc'ojlal xjapx eb' 'a Jesús. 'Ix yaln eb' 'ixtc 'a 'a: —Mamin, an̈jtona ewin demonio, caw syiclj ewin tas xcal on̈, yic xqui c'anlb'an a b'i on̈, xchi eb'.

Dt 1:15

Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.