Ex 23:9 - Chuj San Sebastian Bible

⁹ Man̈ eyixtc eb' 'anma chuc schon̈ab', yujto ax tic najtl 'e'nc ex cajn 'a Egipto, tox 'ix eyila chajtlto yet' yailal ex 'aj eyec' cajn 'a chuc chon̈b'al.

Chuj San Mateo Bible

⁹ Man̈ eyixtej anima ch'oc chon̈ab'il, yujto a ex tic najtil ix ex ec' d'a ch'oc chon̈ab'il d'a Egipto. Eyojtacxo syaelal tz'utaj anima d'a ch'oc chon̈ab'il.

Ex 23:9 Iomraidhean Croise

Salmos 94:6

Tzlaj milx cham eb' 'ix chamnc yichmil yuj eb', eb' chuc chon̈b'al yet' eb' meb'a 'unn chamnc smam.

Ex 21:21

Palta toto tzat 'ec' jun moso chi jaye'ocx c'ual, 'ixta to b'i'an tzchami, toto 'ixta', man̈xtzac 'ajx 'och chaml 'a yib'n̈ jun spatron̈ cha, yujto yic yaj jun smoso cha.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Ex 22:21

Man̈ eyixtc eb' 'anma chuc schon̈b' cajn 'a e cal, yujto 'e'nc ex pax cajn 'a scal eb' 'anma man̈ eyit chon̈b'oc 'a Egipto.

Ez 22:29

A eb' 'anma 'a jun chon̈b' cha, cojxn maysch'olnil tzb'o eb', tz'elc'w eb'; tz'ixtx eb' meb'a 'anma yuj eb', yet' eb' 'ay tas sc'a'l tz'och yu'uj, tz'ixtx pax eb' chuc chon̈b'al cajn 'a scal eb'.

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Lv 19:33

An Jehová e Diosal in, an tzwala. Man̈ eyixtc eb' chuc chon̈b'al cajn 'a e cal.

Mt 18:33

Octom wal x'o'ch a c'ojl 'a win et mosoal cha, 'icha x'o'ch in c'ojl 'ayach, xchi win 'a winac.

Dt 10:19

Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.

Dt 23:7

Palta man̈ e chacl eb' edomita, yujto quicanec to qui b'a yet' eb'. An̈jtona eb' 'aj Egipto, man̈ e chacl pax eb', yujto on̈ 'e'c jun tiempoal 'a sat slum eb' cha.

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.