Ex 23:18 - Chuj San Sebastian Bible

¹⁸ A yic tzeya'n no xajmb'al 'ayin, man̈ eyac' no schiq'uil yet' 'ixm pan 'ay yich, man̈ e molcn xepual no xajmb'al chi yico'oc junc xo c'u.

Chuj San Mateo Bible

¹⁸ Ayic tzeyac'an noc' noc' silab'il d'ayin, man̈ eyac'laj schiq'uil noc' yed' ixim pan ayb'at yich. Man̈ e sic'b'at xepual noc' silab' chi' d'a junocxo c'ual.

Ex 23:18 Iomraidhean Croise

Ex 12:10

Man̈ eyactc can jacx no 'a yic junc xo c'u. Toto matz lajw no eyuj 'a jun 'ac'wl cha, tze wach' n̈usjtz'a no'.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 12:8

A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Ex 16:19

'Ix yaln pax Moisés 'a eb' 'ixtic: —Man̈ e molcn yic e q'uic'an, xchi.

Ex 29:34

Toto matz lajw sc'uxn eb' jun tzo'n̈ chi 'a jun c'u cha, 'ayt 'ixm pan chi tzcani yet' no chib'j cha, tza n̈ustz'a smasnil, man̈x 'a mach tztac' sc'uxni, yujto wicn̈ej yaji.

Ex 34:25

A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Lv 2:11

A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Lv 7:12

Toto a junc no xajmb'al tz'ajx cha, yic alj yuj diosal yaj no', yowlal tz'ajx 'ox c'ajoc 'ixm pan may yich yet' no'. Chab' pan pim tz'aji tzcalx yet' yaceiteal te olivo, yet' jun tzo'n̈ c'oxox pan, tzq'ue aceite 'a yib'an̈.

Lv 7:15

A no noc' tz'ajx xajmb'al-l cha, a 'a jun c'u yic tz'ajx no cha, tzchix no muc'uc. Matz tac' tzmolx can jacx no yico'oc junc xo c'u.

Dt 16:4

A 'a uque c'u cha, man̈x 'a cab' yich pan tz'ilchj 'a e cal 'a yol e chon̈b' cha. An̈jtona pax no chib'j tzeyac' xajmb'al-l cha, man̈x 'a cab' no tzcan eyuj 'a jun b'ab'l c'u cha, sec man̈x 'a no tzcan yico'oc junc xo c'u.