Ex 23:15 - Chuj San Sebastian Bible

¹⁵ A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Chuj San Mateo Bible

¹⁵ A d'a uj Abib tzeyac'och sq'uin̈al ixim pan malaj yich, icha ix vutej valan d'ayex. D'a uque' c'ual tze va ixim pan malaj yich, yujto a d'a jun uj chi' ix ex elta d'a Egipto. Malajocab' junoc mach sja d'a vichan̈ tato malaj jab'oc yofrenda yed'nac.

Ex 23:15 Iomraidhean Croise

Ex 12:2

A jun 'uj tic, niwn cab' yel'ch 'a e sat, b'ab'l 'uj tz'ajcn 'a yol junjn ab'il.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:4

A jun 'uj 'aj on̈ 'eltec 'a Egipto tic, Abib sb'i.

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Ex 34:20

Ax pax yuj sb'ab'l 'une no 'axna jun, tztac' yajx junc no yune calnelu mto junc no yune chiwo sjelc no', palta toto may no wach' yajx sjelc no', tze c'uychtej sjaj no yune b'uru cha. An̈jtona yuj pax eb' e b'ab'l 'unnal cha, tztac' eya'n junc no yune calnelu sjeloc. May cab' junc mach tzsat sc'ojl yi'n cot yofrenda 'ayin.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Mr 14:12

A 'a b'ab'l c'u yic jun q'uin̈ tzwax 'ixm pan may yich, yic tzmiln eb' no quelm calnelu yic snanb'il cot yel eb' israel 'a libre, 'ix sc'anb'n eb' scuywum Jesús 'ixtc 'a 'a: —¿'Ajtil tza nib'j tzqui b'o 'aj 'oj qui wa'ec, yic tzqui nanec cot q'uin̈ tic? xchi eb'.

Lc 2:41

'A junjn ab'il, tzc'ochc smam snun Jesús 'a Jerusalén, yic tz'at yilnc eb' q'uin̈ yic snanb'il cot yel eb' israel 'a libre.

Lc 22:7

Ax yic xc'och sc'ul swan eb' 'ixm pan may yich, yic tzmiln eb' no quelm calnelu yic tznan cot eb' yel 'a libre,

A Tas Sc'ulejnac Eb' Schecab' Jesús Hechos 12:3

Ax xyiln winac, caw tzalj eb' israel yuj jun cha, yuj cha, 'ix ya'n pax win yamchjoc Pedro. A 'a yic jun sq'uin̈ eb' israel, yic tzwan eb' 'ixm pan may yich, ata xyamchji.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

A Ch'an̈ B'ab'el Libro Samuel 6:3

—Toto tzeya'x meltzjoc te scaxail strato sDiosal Israel cha, man̈ eya'x meltzjoc te sch'ocoj, palta yowlal cab' 'ay tas tzeyac' stojnb'ilc e mul chi 'a 'a. Toto 'ixta', 'oj b'oxc e c'ojol, ax eyojcan 'eli, tas wal yuj xya'ch yailal 'a quib'n̈ec, xchi eb' ya'mal 'och sti eb' cha.