Ex 23:14 - Chuj San Sebastian Bible

¹⁴ Tze na 'oxe niwc q'uin̈ tic 'a yol junjn ab'il, yic tzeyi'n chan̈ in b'i.

Chuj San Mateo Bible

¹⁴ Oxel tzeyac'och q'uin̈ d'a yol junjun ab'il yic tzin eyic'anchaan̈.

Ex 23:14 Iomraidhean Croise

A Ch'an̈ B'ab'el Libro Yic Yab'ixal Eb' Rey 9:25

A yic xlajw sb'o 'el'ch jun yatut Dios chi yuj Salomón, 'a junjn ab'il 'ox 'ejm tzyac' q'ue win no xajmb'al tz'a 'a yib'n̈ yet'l xajmb'al yic Jehová, yet' no xajmb'al yic junc'ojlal. Tzn̈usn pax win incienso yet'oc.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Ex 23:17

An Jehová in, an tzwala, to yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ tic 'a junjn ab'il.

Ex 34:17

May b'a'n̈ tze b'o junc q'uen q'uen e diosaloc, yic tzeyaln e b'a 'a 'a.

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Ez 46:9

A yic tz'och eb' chon̈b' wul yac' 'emmquilal 'ayn an Jehová in tic 'a yic q'uin̈al, 'ixtc 'oj 'aj eb' yochi: A eb' 'anma 'oj 'och 'a jun puerta 'ay 'a stojlal norte, ata 'oj 'elx eb' 'a jun puerta 'ay 'a stojlal sur; ax eb' 'oj 'och 'a jun puerta 'ay 'a stojlal sur cha, ata 'oj 'elx eb' 'a jun puerta 'ay 'a stojlal norte. Matz tac' smeltzj eb' 'a spatic, palta to 'ixtc tz'elx eb' 'a yojltac.

Lv 23:16

Ax 'a junx c'u cha, yic tox xtz'acw uque seman cha, atn yic tz'acw 50 c'u, ata tzeyac' junc xo ofrenda yic 'ixm 'ac' trigo chi 'ayin.

Lv 23:34

Al jun tzo'n̈ tic 'a eb' et israelal to an tzwal 'ixtic: A 'a olajn̈e yoch yucl 'uj cha, ata tze na uque c'u q'uin̈ Chinama, yuj eyi'n chan̈ in b'i.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

Lv 23:5

A 'a chan̈lajn̈e yoch b'ab'l 'uj yic junjn ab'il, 'a yic yemc'ual, ata tze na q'uin̈ yic eyelt 'a libre, yuj yi'nb'ilc chan̈ in b'i.

Dt 16:1

'Ix yaln pax Moisés 'ixtic: A yic tzjaw jun 'uj tzcuch Abib 'a junjn ab'il, ata tze na q'uin̈ yic quelc 'a libre 'a Egipto, yuj eyi'n chan̈ sb'i Jehová qui Diosalec, yujto a 'a jun 'uj cha, ata 'ay jun 'ac'wl 'aj on̈ yijec 'elt Jehová Dios 'a Egipto cha.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

A Ch'an̈ B'ab'el Libro Samuel 1:3

'A junjn ab'il tzxit'c win Elcana chi 'a schon̈b' 'at yac' xajmb'al 'a Jehová tztac' yuj smasnil, atn 'a chon̈b' Silo. Ata 'ay chawn̈ eb' ya'mal 'och sti eb' 'anma 'a Dios, atn Hofní yet' Finees. A eb' cha, yunnal win Elí.