Ex 23:1 - Chuj San Sebastian Bible

¹ Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Chuj San Mateo Bible

¹ Man̈ eyal esal lolonel d'a spatic eb' eyetanimail. Man̈ junn̈ejoc tzeyutej e b'a yed' junoc mach chuc spensar yic tzeyac'anoch e b'a testigoal d'a tas man̈ yeloc.

Ex 23:1 Iomraidhean Croise

Gn 39:17

Xyaln 'ix 'icha xyutj yaln 'a b'ab'l cha: —A win a moso hebreo 'ix ej cot 'a tic, x'oxt win 'a yol in cuarto, snib'n win to xway wet'oc.

A Ch'an̈ Schab'l Libro Samuel 16:3

'Ix yaln win rey chi 'ixtc 'a 'a: —¿'Ajtil 'aycn win yixchicn win a patron̈ cha? xchi. Xyaln pax cob' win Siba chi 'ixtic: —Xcancn win 'a Jerusalén, yujto sna'a, lemb'il 'oj ya'cn eb' chon̈b' chi yopiso, 'icha 'e'nc smam 'ichm cha, xchi winac.

A Ch'an̈ Schab'l Libro Samuel 19:27

'Ix spitzn chan̈ win 'es 'a wib'an̈, 'ix yaln 'aych wuj mamin rey. Palta a a jelnal lajn 'icha junc yángel Dios, b'o cab' tas 'icha tza nib'j 'a wib'an̈.

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Salmos 120:3

Ex 'a'm 'es, 'in tzeyixtj paxti eb' quit 'anma'il, ¿tas tze na'a? ¿Tom ma'oj yac' Dios junc niwn yailal 'a eyib'an̈?

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Salmos 27:12

Man̈ in ac' 'a yol sc'ab' eb' 'ajc'ojl tzq'ue wan 'a in patic, tzya'n 'och eb' 'es 'a wib'an̈, tznib'j eb' tzin smil chamoc.

Salmos 35:11

Ax eb' testigo 'a'm 'es, a tas man̈ wojcoc, a xlaj ya'ch eb' 'a wib'an̈.

Ex 20:16

Man̈ eya'ch 'es 'a yib'n̈ eyit 'anma'il.

Ex 23:7

Man̈ eya'ch e b'a eya'n 'och 'es 'a yib'n̈ junc 'anma'. Man̈ eya'ch pax chaml 'a yib'n̈ junc 'anma may smul, yujto an 'oj wac' syailal eb' 'ixta tzb'o cha.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Pr 12:17

A eb' testigo to wach'n̈j snab'en, yeln̈j tas tzyal eb'; ax eb' testigo to 'ixtm 'anma xoni, cojn 'es tzyal eb'.

Pr 14:5

A eb' testigo wach', may 'es tzyac' eb'; ax eb' testigo tu', 'esn̈j tzyac' eb'.

Pr 17:4

A eb' tu snab'en, tzchaj sc'ojl eb' tu paxti'al. Ax eb' 'a'm 'es, tzchaj sc'ojl eb' alj peclal.

Pr 19:28

A junc mach tzya'ch sb'a testigoal 'a tas man̈ yeloc, may yel'ch tojlal 'a 'a, yujto caw wal tzalj yet' smaysch'olnilal.

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Pr 19:9

A eb' tzya'ch sb'a testigoal 'a tas man̈ yeloc, yowlal 'oj yab' eb' syail; toto tzyac' eb' 'es, 'oj 'at eb' 'a chamel.

Pr 21:28

A mach tzya'ch sb'a testigoal 'a tas man̈ yeloc, 'oj lajwc 'eli; palta a mach tzcham wal yab'n junc tas, 'oj chaxocn̈ej tas tzyala.

Pr 24:28

Man̈ eya'ch e b'a 'a junc paxti tz'ajx 'och 'a yib'n̈ eb' quit 'anma'il, man̈ eyal junc paxti man̈ yelc 'a spatc eb'.

Pr 25:18

Toto tzeya'ch e b'a testigoal 'a tas man̈ yelc 'a junc xo quit 'anma'il, lajn wal jun chi 'icha junc te te', junc q'uen espada mto junc jul-lab' caw jay sn̈i'.

Pr 25:23

A tu paxti tzalxi, a tz'a'n owxoc 'el qui satec, lajn wal 'icha 'ic' tz'i'n cot n̈ab' 'a stojlal norte.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Mt 19:18

—¿'Ajm 'a jun tzo'n̈ checnb'il chi tzin yiclej? xchi win 'a 'a. —Man̈ a mil cham junc et 'anma'il. Man̈ a b'o 'ajmulal 'a yol sc'ab' estzil. Man̈ ach 'elc'woc. Man̈ 'a'ch 'es 'a yib'n̈ et 'anma'il.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.

Lc 3:14

'Ay pax jaywn̈ eb' soldado xc'och c'anb'noc 'a 'ixtic: —An̈ xo tic on̈, ¿tas tzcutj qui b'eyb'al on̈? xchi eb' 'a 'a. —Man̈ e xib'tc eb' 'anma', man̈ eya'ch 'es 'a yib'n̈ eb', yic tzeyi'n 'ec' tas 'a eb'. Colb'iln̈ej cab' tze chaj e tojol, xchi 'a eb'.

Jn 7:51

—A jun ley 'aycn 'ayn̈ec, tzyala to may sleyl tztac' ca'nec 'och junc mach 'a yol sc'ab' yailal, toto mantzac cab'c 'a 'a, tas tzyutj scoln sb'a, xchi 'a ewinac.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Dt 5:20

Man̈ eya'ch 'es 'a yib'n̈ eyit 'anma'il.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.