Ex 22:9 - Chuj San Sebastian Bible

⁹ Q'uinloc 'ay mach tzyalch junc tas yico'oc, 'icha junc wacax, calnelu, b'uru, pichul mto junc xo tas tzsati, tzyaln jun chi yico'oc junc cha, a eb' chawn̈ cha, tz'ijx 'at eb' 'a sat eb' juez. A mach tz'a'n 'es, yowlal cha'ejm tzyutj sjeln jun chi 'a mach 'ay yico'.

Chuj San Mateo Bible

⁹ Tato ay junoc anima smacq'ue junoc tas yicoc: Noc' vacax, noc' calnel, noc' b'uru, ma junoc pichul, ma junocxo tas ton̈ej satb'ati, syalan junocxo to yico', tz'ic'chajb'at eb' chavan̈ chi' d'a yichan̈ eb' juez. A jun mach tz'esan chi', yovalil chab' tz'aj yac'an sq'uexul d'a mach ay yic chi'.

Ex 22:9 Iomraidhean Croise

Gn 31:39

May 'ajtil xwij cot junc no 'a calnelu 'ayach, junc no chib'il yuj no 'oques, palta a wico', in tojjnac no 'ayach. Toxn̈ej c'ual mto 'ac'wl tz'at no 'a cajb'il noc' yuj 'elc'um, 'in a c'anjnac stojl no 'ayin.

A Ch'an̈ B'ab'el Libro Yic Yab'ixal Eb' Rey 8:31

Q'uinloc 'ay junc mach tz'ajx 'och 'a yib'an̈ chajtlo x'och smul 'a junc yit 'anma'il, tzlajw cha, tzjaw 'a yojltac yet'l xajmb'al 'a jun atut tic tzwul ya'nc sti' to may smul,

2 Cr 19:10

Tzann̈j owlal 'oj jawc 'ayx yuj eb' eyit chon̈b' tic, mto yuj eb' cajn 'a jun tzo'n̈ xo chon̈ab', tze b'oyaj eb', atn yuj junc paxti', mto yuj milj cham 'anma', mto yuj junc xo tzann̈j tas tz'el sb'on eb', to man̈ 'ixta'oc yaln ley mto checnb'il. Caw wach' tzeyutj eyaln 'a eb'. 'Ixta wal tzeyutej, sec wach' matz 'och smul eb' 'a Jehová, sec wach' matz cot yowl sc'ojl 'a eyib'an̈, yet' 'a yib'n̈ eb'. Caw wach' tzeyutj e b'a, sec wach' ma'oj 'och e mul.

Ex 22:10

Q'uinloc 'ay mach ton̈j tzchaj can yil junc b'uru, junc wacax, junc calnelu, mto junc xo tzann̈j noc'al, ax tz'aji, tzcham no 'a 'a, mto ton̈j tzlajw no', mto tz'at no yuj 'elc'um, toto may pax mach tz'ilni,

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

Ex 22:4

Q'uinloc 'ay junc 'elc'um tzyamchj yet' junc no cajb'il noc', toto pitzn to no', cha'ejm tzyutj stojni, toxn̈ej wacax, b'uru, mto calnelu.

Mt 18:15

Q'uinloc 'ay junc eyit creyenteal tz'och smul 'ayex, tzex 'at e ch'ocoj, tz'at eyal 'a 'a, chajtlto x'och smul 'ayex. Toto tzchaj yab' 'ayex, tox 'ix eyac' ganar e montn jun eyit 'anmal chi tzyal cha.

Mt 18:35

Yuj cha, ax tic, toto matz eyac' niwnc'ojlal 'a eb' eyit 'anmal 'a smasnil e c'ojol, to 'ixta', 'ixta 'oj ex yutc pax qui Mam Dios 'ayc' 'a satcha'an̈, xchi Jesús 'a eb'.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.