Ex 22:7 - Chuj San Sebastian Bible

⁷ Q'uinloc 'ay mach tzyac' molxoc stumn yuj junc xo mach, palta ax tz'aji tz'el'x 'elt q'uen 'a yol yatut jun moljnac cha. Toto tz'ilchj jun 'elc'm cha, yowlal cha'ejm tzyutj sjeln jun tumn cha.

Chuj San Mateo Bible

⁷ Tato ay junoc mach syac'b'at stumin, ma junocxo tas ay stojol sic'b'at junocxo, axo tz'aji tz'elc'ajelta d'a yol spat vin̈ sic'jinac chi', tato tz'ilchaj vin̈ elc'um chi', cha macan̈xo tz'aj yac'an sq'uexul vin̈.

Ex 22:7 Iomraidhean Croise

Ex 22:4

Q'uinloc 'ay junc 'elc'um tzyamchj yet' junc no cajb'il noc', toto pitzn to no', cha'ejm tzyutj stojni, toxn̈ej wacax, b'uru, mto calnelu.

Ex 22:6

Q'uinloc 'ay mach tzcomn 'a'n 'och c'ac' 'a sat slum junc xo mach, mto tz'ec' c'ac' yu'uj, ax tz'aji tz'a nan̈loc smunljel junc xo mach yu'uj. A jun tz'a'n 'ec' c'ac' cha, yowlal tztoj smasnil tas chi tz'a yuj cha.

Jeremías 2:26

'Icha wal tz'aj sq'uixw 'el junc 'elc'm 'a yic tz'ilchji, 'ixta 'oj eyaj e q'uixw 'el ex israel yet' eb' e reyal, eb' sat yajal, eb' ya'mal 'och e ti 'ayin, yet' pax ex in checab'.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Lv 6:1

'Ix yaln pax Jehová 'a Moisés 'ixtic:

Lv 6:2

Q'uinloc 'ay mach tz'och smul 'a wojltac an Jehová in 'a tzann̈j tas 'a jun tzon̈ 'oj wal tic, yowlal tzyac' junc xajmb'al yuj jun tzo'n̈ tic: yuj tzyixtj junc yit 'anma'il yuj junc tas tzcan 'ab'enal 'a 'a, yuj tzyel'j junc tas, yuj yi'n 'ec' junc tas yic tzyixtn jun yit 'anmal cha, yuj tzsic' junc tas, tzlajw cha, tzte'wtzan sb'a yalni to may tas tzyila, yuj tzcomn alj junc paxti man̈ yeloc, mto yuj junc xo maysch'olnil tzb'o 'icha jun tzo'n̈ tic.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.