Ex 22:27 - Chuj San Sebastian Bible

²⁷ toq'ue cojn jun spichl chi tzya'ch yuj si'ic. Lemb'il may tas tzyac'q'ue 'a yib'an̈ yic tzwayi. Yuj cha, toto tzyal sb'a 'ayin, 'oj in colwj yet'oc, yujto an tic, caw tz'o'ch in c'ojl 'a eb' 'anma'.

Chuj San Mateo Bible

²⁷ talaj an̈ej jun spichul chi' syac'och yuj siic, an̈ej syac'och d'ac'valil. Yuj chi', tato syal sb'a d'ayin, d'a elan̈chamel tzin colvaj d'ay, yujto a in tic elan̈chamel tz'oc' in c'ol d'a anima.

Ex 22:27 Iomraidhean Croise

A Ch'an̈ Schab'l Libro Samuel 16:5

A yic xc'och David 'a chon̈b' Bahurim, axta x'elt jucnjoc win Simei sb'ajwj 'a 'a, yunnal jun win tzcuch Guerá, yican sb'a yet' win Saúl.

A Ch'an̈ B'ab'el Libro Yic Yab'ixal Eb' Rey 2:8

Ax pax Simei 'ayc' 'a tic, yunnal Gera 'aj Bahurim, yin̈tl Benjamín, caw tu xyal 'ayin, yic wan in b'ey 'a Mahanaim. Palta 'ix c'och 'ayn 'a sti a Jordán yic tz'at in schanoc, yuj cha, 'a yojltac Jehová 'ix wa'n in ti 'a 'a to matz in mil chamoc.

A Ch'an̈ B'ab'el Libro Yic Yab'ixal Eb' Rey 2:9

Man̈ ac' niwnc'ojlal 'a 'a. Ach tic caw 'ay a nab'en, tzcham wal a nani tas tzotej. Man̈ cab' ton̈joc tzcham 'a 'ichn̈jta', palta to yowlal tzmilx cham yuj tas tu sb'ojnac, xchi rey David.

2 Cr 30:9

Toto 'oj eya'x 'och e c'ojl 'a Jehová, a eb' 'ajc'ojl 'ix 'i'n 'at eb' quit israelalec yet' eb' eyunnal 'a 'icha presoal, 'oj cusch sc'ojl eb' 'a eb', ax yajx paxt eb' yuj eb' 'a e chon̈ab'. Yujto a Jehová qui Diosalec, caw wach' snab'en, tz'o'ch sc'ojol. Toto tzeya'x 'och e c'ojl 'a 'a, man̈x 'oj 'el ch'umn 'ayex, xchi.

Salmos 34:6

'Ix wal in b'a 'a 'a, yujto caw 'oltac wilxi; yajn̈ej 'ix yab'ni, in scoln can 'el 'a scal smasnil in somc'ojlal.

Salmos 72:12

Yujto a 'oj colnc 'el eb' meb'a 'oj yal sb'a 'a 'a, atn eb' may mach tzcoln 'a yol sc'ab' eb' tz'ixtn eb'.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Ex 22:23

Toto tzeyixtj eb', ax yaln sb'a eb' 'ayin, an xo 'oj in colwj yet' eb'.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.

Ec 10:20

Man̈ calc speclal win rey, man̈ qui c'ultac nacc junc tas 'a spatc winac. Man̈ calc tu paxti'al 'a yib'n̈ eb' rico, wach'xam qui ch'ocjec 'ayn̈ec 'ec' 'a yol catut, yujto 'ay smay ax no ch'ic tz'i'n 'ati, ax yab'n sb'a win 'a jun tzo'n̈ qui paxti'ec cha.

Is 19:20

A jun chi 'oj 'och ch'oxnb'il yuj Jehová, chajtlto 'ay mach tz'och 'emmquilal 'a Dios 'a yol yic Egipto cha. A yic 'oj 'el yaw eb' 'anma chi yuj eb' tz'ixtn eb' cha, ax ya'n cot Dios jun scolmal eb' sec tzcolchj eb'.

Dt 24:10

Toto tzeyac' e tumn smajnc junc eyit 'anma'il, man̈ ex 'och 'a yol yatut yic tzeyi'n 'elt junc tas yuj smajnub'lc e tumn cha.