Ex 22:21 - Chuj San Sebastian Bible

²¹ Man̈ eyixtc eb' 'anma chuc schon̈b' cajn 'a e cal, yujto 'e'nc ex pax cajn 'a scal eb' 'anma man̈ eyit chon̈b'oc 'a Egipto.

Chuj San Mateo Bible

²¹ Man̈ eyixtej eb' anima ch'oc chon̈ab'il ton̈ej ayec' d'a e cal, yujto ex ec'pax d'a ch'oc chon̈ab'il d'a Egipto.

Ex 22:21 Iomraidhean Croise

Job 6:27

Ax tic, tzyal e c'ojl eya'n 'och suerte 'a yib'n̈ eb' meb'a 'unn chamnc smam, tzyal pax e c'ojl e chon̈n 'el junc e wach'c'ojol.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 23:9

Man̈ eyixtc eb' 'anma chuc schon̈ab', yujto ax tic najtl 'e'nc ex cajn 'a Egipto, tox 'ix eyila chajtlto yet' yailal ex 'aj eyec' cajn 'a chuc chon̈b'al.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Lv 19:33

An Jehová e Diosal in, an tzwala. Man̈ eyixtc eb' chuc chon̈b'al cajn 'a e cal.

Lv 19:34

'Ay cab' yel'ch eb' 'ayex, tze chamc'ojlej eb', 'icha tzeyutj e chamc'ojlan e b'a. Yujto ax tic, 'e'nc ex cajn 'a scal eb' chuc chon̈b'al 'a Egipto.

Lv 25:35

Toto 'ay junc eyit chon̈b' tzlajw 'ejm jac tas 'ay 'a 'a, yowlal tzex colwj 'a 'a, 'icha wal tzyac' junc chuc chon̈b'al ton̈j tz'ec' 'a e cal yic tzcan 'a yol e chon̈ab'.

Zacarías 7:10

Man̈ eyixtc eb' 'ix 'ix chamnc yichmil, eb' meb'a 'unn chamnc xo smam, eb' chuc chon̈b'al, yet' eb' meb'a'. Man̈ e nalb'oc eya'n tu nab'enal 'ayx junjn ex, xin chi 'a eb'.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Dt 1:16

Xlajw cha, xwa'n can snab'enoc eb' eyajlil cha, xwaln 'a eb' 'ixtic: Wach' tzeyutj eyiln eyopiso, wach' tzeyutj e b'onyaj eb' quit chon̈ab', yet' pax eb' chuc chon̈b'al 'ayc' 'a qui calec.

Dt 10:18

Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

Dt 10:19

Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 23:16

Can cab' 'a e cal cha, libre cab' si'lni 'aja junc chon̈b' 'aj tznib'j tzcan cajan, may cab' mach tztac' stzuntzn 'a 'aj tzcan cha.

Dt 23:7

Palta man̈ e chacl eb' edomita, yujto quicanec to qui b'a yet' eb'. An̈jtona eb' 'aj Egipto, man̈ e chacl pax eb', yujto on̈ 'e'c jun tiempoal 'a sat slum eb' cha.

Dt 24:17

Man̈ e b'o tas man̈ tojloc 'a eb' chuc chon̈b'al 'ayc' a e cal, yet' 'a eb' meb'a 'unn chamnc smam, yet' pax 'a eb' 'ix 'ix chamnc yichmil. Man̈ eyi'c spichl eb' 'ix yuj smajnub'loc junc tas.

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.