Ex 22:17 - Chuj San Sebastian Bible

¹⁷ Toto matz yal sc'ojl smam 'ix tzyij sb'a 'ix yet' winac, palta yowlal tzyac' win jun tumn 'a smam snun 'ix, 'icha xon sb'eyb'al eb' 'anma', yic tz'och yichmil junc 'ix cob'es.

Chuj San Mateo Bible

¹⁷ Tato max yal sc'ol smam ix to syic' jun vin̈ chi' ix, palta yovalil syac' q'uen tumin vin̈ d'a smam ix ix chi', ichataxon sb'eyb'al eb' anima a smojc'aj eb' ix cob'estac.

Ex 22:17 Iomraidhean Croise

Gn 23:16

'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

Gn 30:20

'Ix yaln 'ix 'ixtic: Xyac' Dios junx siylab' tic 'ayin, yuj cha, 'oj can cajn wichmil tic wet'oc, yujto swacwn̈il 'unn tzwune'ej tic, yuj cha, a win 'unn tic 'oj sb'ic win Zabulón, xchi 'ix.

Gn 34:12

May yel'chi toxn̈ej chan̈ stojl 'unx 'icha sb'eyb'al eb' 'anma 'a tic, niwn pax siylab' tztac' wa'n 'ayex, cojn toto tzchaj e c'ojl tzwij in b'a yet' 'unix, xchi winac.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

Dt 18:10

May cab' junc mach 'a e cal tzyac' tz'a junc yunnal mto yisil xajmb'alil. May cab' junc mach tzcuy sb'a snan 'el paxti', tzyaln yuj tas tot 'oj jawoc, mto tzyal tas tzyal 'el'ch junc lab', mto tzcuy 'ajchumal, mto wayjlil,

Dt 22:29

To 'ixta', a win winc cha, yowlal tzyac' win cincuenta q'uen tumn plata 'a smam snun 'ix cob's cha, yujto xyixtj 'el win 'ix. Yuj cha, yowlal tz'ochcn 'ix yistloc winac, matz tac' spojn sb'a win yet' 'ix masnto chamel.

A Ch'an̈ B'ab'el Libro Samuel 18:25

Yuj cha, xyaln Saúl 'ixtic: —'At alc 'a David, chajtlto matz tac' stojn win 'ix wisl tic 'a 'icha sb'eyb'al eb' 'anma'. Cojn jun tas tzin nib'j an reyn tic, to tzyij cot win junc ciente sjolm swincal eb' filisteo 'ayin, sec 'ixta tzwutj in pacn in b'a 'a eb' 'ajc'ojl yajch 'ayin, xchi cob'i'. 'Ixta xyutj yalni, sec tzcham David chi yuj eb' filisteo chi snani.

A Ch'an̈ B'ab'el Libro Samuel 28:3

A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.