Ex 21:8 - Chuj San Sebastian Bible

⁸ Q'uinloc 'ay strato 'ix yet' spatron̈ cha, to tz'och 'ix yistloc winac, ax tz'aji matz yij pax win 'ix yujto a win matz yal sc'ojol, tztac' ya'n meltzjoc win smam 'ix 'ix chi q'uen stumn win patron̈ cha. Toto may q'uen tumn chi yuj win smam 'ix cha, palta matz tac' schon̈x 'el 'ix yuj spatron̈ chi 'a junc xo chuc chon̈b'al.

Chuj San Mateo Bible

⁸ Tato a vin̈ spatrón ix chi' maj chaanlaj sc'ol yoch ix yetb'eyumoc icha yaj strato eb' yujto malaj sgana vin̈ d'a ix, syal smanjixiel ix yuj junoc sc'ab'yoc. Vach'chom malaj sgana vin̈ patrón chi' syic'laj sb'a yed' ix, palta max yal-laj schon̈an ix vin̈ d'a junoc ch'oc chon̈ab'il.

Ex 21:8 Iomraidhean Croise

Gn 28:8

'Ixta 'ix yutj Esaú yojcan 'eli, to a smam cha, matz nib'j eb' 'ix 'ix 'a Canaán cha.

Job 6:15

Palta ax xo tic ex in wach'c'ojol, ton̈j xe wach' juj in nab'en; lajn ex 'icha junc sb'e a 'elmal a tztacj chan̈ 'a yic man̈xtzac yac' n̈ab'.

Ex 21:7

Toto 'ay mach tzchon̈l yisil, yic tz'och 'ix ya'malc servil junc mach, matz tac' yel 'ix 'a libre 'icha eb' winac.

Ex 21:9

Toto a junc yunnal win spatron̈ 'ix chi tz'i'n 'ix yistziloc, ax win patron̈ cha, 'icha wal cab' yisl win tzyutj 'ix.

Ex 8:29

'Ix ta'w pax Moisés 'ixtc 'a winac: —Cojn wal tzin 'el 'a tic, ax in tew 'a Jehová to tz'el no tzac' tic q'uic'an. 'Oj 'el e no 'a tic, 'a 'aj 'ay eb' 'aych yajlil et'oc, yet' 'a smasnil 'anma 'a jun nacion̈ tic. Palta b'i'an, man̈x on̈ extc on̈, man̈x 'a cab' tas tzal 'ayn̈ on̈ yic 'oj 'at ca'nc qui xajmb'al chi 'a qui Diosal chi 'on̈, xchi Moisés.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Dt 20:7

Toto 'ay junc ex 'ayx e trato to tzex nupni, tztac' tzex pax 'a eyatut sec tzex nupni. Toto ma'ay ch'olb'j tzex cham 'a owal, ax tz'aji chucx mach tznupn yet' 'ix 'ix cha, xchi cab' eb'.

Jueces 14:3

Xyaln smam snun 'a 'ixtic: —¿Tas yuj a 'a scal eb' chuc chon̈b'al cha, ata tz'at a nib'c cot estzil? ¿Tom may eb' 'ix cob's 'ix 'a scal eb' quit chon̈ab'? xchi eb' 'a 'a. —'At c'anc 'ix cob's chi wic', yujto a 'a 'ix tzcan in nab'en, xchi Sansón.

Jueces 9:19

Toto wach' xeyutj e nab'en 'a Gedeón yet' 'a eb' yunnal, toto 'ixta' wach' 'oj eyel'ch yet' Abimelec, tzaljc'ojlal eyic yet'oc.

A Ch'an̈ B'ab'el Libro Samuel 18:8

Caw wal xcot yowl Saúl 'a yic xyaln eb' 'ix jun tzo'n̈ cha, yuj cha, xyaln win 'ixtic: —Yel xo niwn yel'ch David yuj eb' 'ix 'a wib'an̈, yuj cha, tzyaln eb' 'ix chajtlto 'ec'b'al lajn̈e mil eb' 'ajc'ojl smil chamoc, an xo jab' wal 'ec'b'al jun mil 'ix in mil cham yal eb' 'ix. Jab' xoj wal 'oj ya'ch eb' jun winc tic reyal, xchi Saúl.

A Ch'an̈ B'ab'el Libro Samuel 8:6

Palta caw wal ma'ix schaj sc'ojl Samuel jun tzo'n̈ paxti xyal eb' cha, yujto tzc'an eb' junc sreyl tz'a'n cuenta. Yuj cha, 'ix leslwi win yuj eb'.