Ex 20:5 - Chuj San Sebastian Bible

⁵ Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Chuj San Mateo Bible

⁵ Man̈ ex em n̈ojan d'ay, man̈ eyac'paxem e b'a d'ay, yujto a in Jehová e Diosal in, ste cot voval d'ayex tato tzex och ejmelal d'a junocxo tasi. Ol vac'och syaelal eb' mamab'il malaj velc'och d'ay. Ol vac'anpax yaelal d'a yib'an̈ yuninal eb', yixchiquin eb' yed' yin̈tilal eb'.

Ex 20:5 Iomraidhean Croise

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ Schab'il Libro Yic Yab'ixal Eb' Rey 17:35

A yic 'ix sb'on Jehová strato yet' eb', 'ix yaln 'ixtic: Man̈ ex xiw 'a jun tzo'n̈ xo comn dios, man̈ ex 'och 'emmquilal 'a jun tzo'n̈ cha, man̈ eyac' servil yic tzeya'n e xajmb'al 'a 'a.

A Ch'an̈ Schab'il Libro Yic Yab'ixal Eb' Rey 23:26

Wach'xam to 'ixta x'aji, palta yuj tas tu sb'ojnac Manasés yuj cha 'ayt cot yowl sc'ojl Jehová 'a Judá.

A Ch'an̈ Schab'il Libro Yic Yab'ixal Eb' Rey 5:18

A cab' Jehová tzin yac' niwnc'ojlal 'a jun tic; yujto a yic 'oj 'at win in reyl 'at yac' 'emmquilal 'a yol yatut sdiosal tzcuch Rimón, 'oj 'och yamn win 'a in c'ab', an̈jtona 'in, 'oj wem n̈ojn 'a yol yatut sdiosal chi yet'oc, ya' cab' Jehová niwnc'ojlal 'ayn yuj jun tic, xchi Naamán.

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

2 Cr 25:14

A yic 'ix meltzj Amasías, yic smiln eb' 'aj Edom, atn eb' 'aj Seir, 'ix yij cot jun tzo'n̈ scomn diosal eb' 'aj Seir cha, xya'n 'och jun tzo'n̈ chi sdiosaloc, xyaln sb'a 'a 'a, 'ix sn̈usn incienso 'a 'a.

2 Cr 7:19

Palta toto ach tic mto eb' et chon̈b' tic, ma'oj eyiclc in ley yet' in checnb'il 'ix wa'cn 'ayex, ax 'oj 'ajoc to 'oj eyac' servil jun tzo'n̈ comn dios, ax eyaln e b'a 'a 'a,

Job 21:19

'Ay mach tzalni, to at eb' 'unnab'il tztojn lajwc smul smam yuj Dios. Palta an tic, tzwala to a eb' maysch'olnil tzyutj sb'a, a eb' smoj stojn lajwc smul cha, sec tznachj 'el yuj eb' to yuj smul eb' 'ixta tz'aj eb'.

Job 5:4

Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.

Salmos 109:14

Sna cab' cot Jehová smul eb' smam yichm winac, may cab' b'a'n̈ tzsat 'ejm yalx smul snun winac.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Salmos 79:8

Man̈ 'ac' qui tup lajwc smul eb' qui mam quichm on̈; cot cab' a chamc'ojlal 'a quib'n̈ mu'c on̈, yujto caw man̈x 'a quip on̈.

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Is 44:15

A 'a te', ata tzyijcan 'el win sc'atzitz, tzya'n 'och win sc'ac' yet' te', tzc'achn winac. Axta tzb'o 'elt win tas tzc'uxu. An̈jtona a yet' jacx te', ata tzb'o win junc yechl sdiosal. Tzlajw cha, tzyamn 'och win yem n̈ojn yaln sb'a 'a yojltac te'.

Is 44:19

Matz cham wal snan junc cha, yuj cha, matz nachj yaln 'ixtic: A yet' sc'axpil jun te tic 'ix wa'ch in c'ac', 'ix uyb' 'elt woch 'a 'a. Xin b'oln pax 'elt in chib'j 'a 'a, xlajw cha, in wa'i. ¿Tom smoj wal tzin b'o junc yechl comn dios yajb'il 'el yet' jab'x sobrail jun te tic? ¿Tom smoj tzin 'em cumn waln in b'a 'a jab'x yib'te tic? tom xchi.

Jeremías 2:9

'Ix yaln pax Jehová 'ixtic: Yuj cha, an Jehová in, an tzwala: Caw 'oj wa'n̈j owl eyet'oc, yet' pax eb' eyin̈til.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

Ez 18:19

Toto 'ay eb' 'oj c'anb'noc 'ayx 'ixtic: ¿Tas yuj man̈ locnoc win 'unnab'il tic xcham yuj smul smam cha? toto schi eb', tzeyalni to a win 'unnab'il cha, tojl tas tzb'o'o. Yiclum tzyutj sb'a 'a in ley, tzb'eylb'an in checnb'il, yuj cha, tznajtxb'i sq'uinal.

Ez 18:2

¿Tas yuj an̈ja yalx jun tzo'n̈ paxti tzyal eb' 'anma 'ixtc 'a scal chon̈b' Israel? A eb' mamb'il, 'ix laj slo eb' te paj uva, ax eb' 'unnab'il, a eb' xcomn cus ye, xchi eb'.

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.

Dn 3:18

Wach'xam ma'oj qui colx pax yuj on̈ jun, palta tzca'cn ojcoc 'el mamin rey, chajtlto ma'oj cac' 'ejm qui b'a xon 'a a diosal chi 'on̈, atn jun yechl nab'a oro 'ix ac' 'ajxoc b'o cha, xchi eb'.

Lv 20:5

an xo 'oj wac' yowlal 'a jun 'anma cha. Ax wa'n pax yowlal 'a yistzil, 'a yunnal yet' 'a smasnil eb' cajn 'a yol yatut. 'Oj in satl eb' 'a scal eb' yit chon̈ab', yet' eb' tzyal sb'a 'a Moloc chi yet'oc.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Lv 26:29

At wal yuj jun tzo'n̈ chi b'i'an, ax e chin 'ejm eb' eyunnal mto eyisil.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Nm 14:18

chajtlto man̈ comnoc tzcot yowl a c'ojl muc'uc. Caw 'ay a chamc'ojlal yet' a niwnc'ojlal 'a yib'n̈ eb' maysch'olnil tzyutj sb'a, mto eb' tenmtac. Wach'xam matz ac' syailal eb' 'ay smul chi muc'uc, palta a smul eb' mamb'il cha, yowlal tzjaw to syailal 'a yib'n̈ eb' 'unnab'il, eb' 'ichicnab'il, eb' schab'il mto eb' yoxl 'ichicnab'il.

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Nm 25:11

A Finees, a 'ix 'a'n sicb'oc yowl in c'ojl 'a yib'n̈ eb' chon̈b' tic, yujto locn xyab' syal wet'oc. Q'uinloc man̈toc 'ixta xyutej, toto 'ixta', 'ix lajw scham eb' 'anma tic smasnil.

Mt 4:9

'Ix yaln win 'ixtc 'a 'a: —Smasnil jun tzo'n̈ tic, 'oj wac' eco'oc, toto tzach 'em cumn 'ayin, tzaln a b'a 'ayin, xchi win 'a 'a.

Jn 15:18

Toto 'ay eb' yic yolyib'n̈q'uinl tic tzchichn 'och 'ayex, nac coti, to a 'ayn tzb'ab'l chichn 'och eb'.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Jn 9:2

Ax eb' scuywum Jesús cha, 'ix sc'anb'n eb' 'a 'ixtic: —Ach qui Cuymal on̈, ¿tasm yuj matz uj yiln jun winc tic yictax yalji? ¿Yuj am smul smam snun, mto yuj smul winac? xchi eb' 'a Jesús.

Ro 1:30

Tzyaln eb' maysch'olnil 'a spatc eb' yit 'anma'il. Tzchichn 'och eb' 'a Dios. Tzuntzm maysch'olnil eb'. Tzyij chan̈ sb'a eb'. B'an̈quintac yec' eb'. Caw jeln tzyutj eb' snan 'el junc maysch'olnil. Man̈ yiclumoc tzyutj sb'a eb' 'a smam snun.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Dt 32:41

A yic 'oj in n̈icnc ye wespada caw tzictzni yilxi, ax in yamn 'och in b'onyaj owal. 'Oj in pac in b'a 'a eb' 'ajc'ojl yajch 'ayin, ax wa'n syailal eb' tzchichn 'och 'ayin, 'a 'icha wal tas smoj schan eb'.

Dt 4:24

A Jehová Dios, caw wal ow 'a junc mach tzyac' 'ejm sb'a 'a junc yechel. A yowl sc'ojl cha, lajn wal 'icha junc c'ac' tz'a smasnil tas yu'uj.

Dt 5:10

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb', yet' 'a yin̈tl eb' b'aq'uin̈.

Dt 5:9

Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il.

Dt 6:15

A Jehová qui Diosalec 'ayc' wal 'a qui calec, 'ay smay tzcot yowl 'ayex. Toto tzeyal e b'a 'a jun tzo'n̈ comn dios cha, ax ex satn 'el 'a jun 'ejmn̈ej 'a sat lum lum cha.

Dt 7:10

Palta a eb' tzchacn 'eli, sat cab' 'el eb' yu'uj, a cab' tz'a'n spac 'a eb', tojl cab'n̈ej satl eb'.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

Josué 23:7

Caw man̈ junc tzeyutj e b'a yet' eb' 'anma cajnto 'ec' 'a e cal ticnec. Man̈ eyac' 'emmquilal 'a sdiosal eb', man̈ eyiclc tas tzyal eb', man̈ e b'inoc pax sb'i jun tzo'n̈ comn dios cha, man̈ ex 'em cumn 'a yojltac.

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.