Ex 20:4 - Chuj San Sebastian Bible

⁴ Man̈ e b'o yechl junc tas e diosaloc: junc tas 'ay 'a satcha'an̈, junc tas 'ay 'a sat lum tic, mto junc tas 'ay 'a yojl eb' a mar.

Chuj San Mateo Bible

⁴ Man̈ e b'o yechel junoc tas e diosaloc, junoc tas ay d'a satchaan̈, tas ay d'a sat luum tic, ma tastac ay d'a yoltac a a'.

Ex 20:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

A Ch'an̈ Schab'il Libro Yic Yab'ixal Eb' Rey 17:12

'Ix 'och eb' 'emmquilal 'a jun tzo'n̈ yechel, atn jun tzo'n̈ 'ix yac' Jehová yowlal, to matz tac' tz'och eb' 'emmquilal 'a 'a.

2 Cr 33:7

An̈jtona', sb'on pax 'och jun tzo'n̈ yechl sdiosal chi 'a yol yatut Dios, atn jun n̈a yaljnac Dios yuj 'ixtc 'a David yet' 'a Salomón atn yunnal: A 'a jun n̈a xin si'cn 'el 'a scal smasnil eb' yin̈tl Israel 'a Jerusalén tic, ata 'oj in can cajn 'a jun 'ejmn̈ej.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 32:23

'Ix tew 'och eb' 'ayin, xyaln eb' 'ixtic: A ticnec b'i'an, b'o junc qui diosal tzon̈ jucb'tzani, yujto a win Moisés, win on̈ 'i'nec 'elt 'a Egipto, man̈ cojcoc tas 'ix 'i'ni, tecn man̈x 'oj jawoc, xchi eb' 'ayin.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Ex 34:17

May b'a'n̈ tze b'o junc q'uen q'uen e diosaloc, yic tzeyaln e b'a 'a 'a.

Is 42:17

A wal eb' 'anma tz'a'n 'och jun tzo'n̈ yechl yipc sc'ojol, tzyaln sb'a eb' 'a jun tzo'n̈ yechl chi 'ixtic: Ax tic, qui diosal ex, xchi eb' 'a eb'. A eb' tzaln chi 'ixta', caw q'uixwc'ojlal 'oj 'aj eb' s'atcni.

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Is 45:16

Smasnil eb' tzb'on jun tzo'n̈ yechl comn dios, 'oj 'ijxcan 'ejm eb', ax sq'uixw can 'el eb', man̈x 'a yel'ch 'oj 'ajcn eb'.

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

A Tas Sc'ulejnac Eb' Schecab' Jesús Hechos 17:29

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.

Ro 1:23

A Dios caw niwn yel'chi, may b'a'n̈ tzchami. Palta xyactj can eb', ax jun tzo'n̈ 'anma to chamlb'a yaji, a yechl eb' tzya'ch eb' sdiosaloc. Yet' pax jun tzo'n̈ yechl no ch'ic, no chan, yet' no chan̈e yoc, a jun tzo'n̈ yechl chi 'aj tzyal sb'a eb'.

Dt 16:22

Man̈ e b'o chan̈ q'uen q'uen 'aj tzyac' 'ejm sb'a eb' 'anma'. A jun tzo'n̈ cha, yajb'il 'el yuj Jehová Dios.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 5:8

Man̈ e b'o yechl junc tas e diosaloc, wach'xam junc tas 'ay 'a satcha'an̈, mto junc tas 'ay 'a sat lu'um, mto junc tas 'ay 'a yojl a mar.

Apoc 16:2

Yuj cha, 'ix 'at jun b'ab'l ángel, x'at secnc 'ejm sb'al svaso chi 'a sat lu'um. Ax jantcn̈ej eb' 'aj 'aych senyail jun noc' sb'i, eb' xlaj yal sb'a 'a jun yechel, 'ix pitzw jun tzo'n̈ niwc yab'il 'a sniwnal eb'. Caw maysch'olnil, caw wal tzyab' eb' syal yu'uj.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.