Ex 20:23 - Chuj San Sebastian Bible

²³ Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Chuj San Mateo Bible

²³ Man̈ e b'o q'uen oro ma q'uen plata e diosaloc yic b'aj tzex och ejmelal, icha tz'aj eyac'anem e b'a d'ayin.

Ex 20:23 Iomraidhean Croise

A Ch'an̈ Schab'il Libro Yic Yab'ixal Eb' Rey 17:33

Yuj cha, wach'xam tzcob' xiw eb' 'a Jehová yalni, palta an̈ja yaln sb'a eb' 'a jun tzo'n̈ diosal cha, a tzyal sb'eyb'al jun tzo'n̈ nacion̈ 'aj xcot eb'.

Ex 32:31

Xlajw xoj cha, 'ix 'atx Moisés 'a lum jolm witz cha, lum 'aj 'ayc' Jehová, xyaln 'a 'ixtic: —Yel ton wal Mamin, a jun chon̈b'al eb' 'anma tic, caw wal niwquil smul eb' x'och 'a ojltac. Sb'o eb' jun sdiosal nab'a oro, xya'n 'ejm sb'a eb' 'a 'a.

Ex 34:17

May b'a'n̈ tze b'o junc q'uen q'uen e diosaloc, yic tzeyaln e b'a 'a 'a.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Ez 43:8

Man̈x 'oj sb'o eb' sreyl israel chi sdespacho chi 'a stz'ey watut, yujto 'a a yic yalan̈, cojn jun muro 'aycn 'a snan̈l watut yet' sdespacho eb'. 'Ixta pax yaj spuertail watut yet' spuertail yic eb' cha. Caw man̈x 'a yel'ch xyutj can eb' in b'i, yujto til wal tas yajb'entac sb'ojnac eb'; yuj wal cha, scot wowl 'a eb', 'ix wa'n cham eb'.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 5:4

Syamn wal 'och eb' yu'w 'an̈, 'ix laj yi'nc chan̈ eb' sb'i sdiosal to nab'a oro, plata, bronce, hierro, te' yet' q'ue'en.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 29:17

'Ay 'ajtil xlaj quilc jun tzo'n̈ yechl comn dios, jun tzo'n̈ to yajb'il yuj Jehová, atn jun tzo'n̈ b'ob'il yet' te te', yet' q'uen q'ue'en, yet' plata, yet' oro. Atn 'a jun tzo'n̈ chi tzyal sb'a eb' 'anma cajn ta'.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.