Ex 20:14 - Chuj San Sebastian Bible

¹⁴ Man̈ e b'o 'ajmulal 'a yol sc'ab' eyitb'eym junjn ex.

Chuj San Mateo Bible

¹⁴ Man̈ ex em ajmulal d'a yol sc'ab' eyetb'eyum junjun ex.

Ex 20:14 Iomraidhean Croise

Gn 39:9

A smasnil tas 'ay 'a yol te n̈a tic, 'aych 'a yol in c'ab', an tztac' wa'n mandar; cojn 'ayach, matz tac' wa'n 'och in c'ab', yujto yistzil ach win in patron̈. ¿Tom 'oj stac' in b'on junc tas maysch'olnil, yujto tz'och pax in mul 'a sat Dios? xchi José.

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

Lv 18:20

May cab' mach tzb'on 'ajmulal yet' yistzil junc xo yit wincal, sec wach' matz 'och smul yuj jun cha.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Nm 5:12

Al jun tzo'n̈ tic 'a eb' et israelal: To an Jehová in, an tzwala, toto 'ay junc winc tzna'a, to tzmuln yistzil 'a yol sc'ab',

Mt 19:18

—¿'Ajm 'a jun tzo'n̈ checnb'il chi tzin yiclej? xchi win 'a 'a. —Man̈ a mil cham junc et 'anma'il. Man̈ a b'o 'ajmulal 'a yol sc'ab' estzil. Man̈ ach 'elc'woc. Man̈ 'a'ch 'es 'a yib'n̈ et 'anma'il.

Ro 13:9

'Ay jun tzo'n̈ checnb'il tzyal 'ixtic: Man̈ e b'o 'ajmulal. Man̈ ex milwoc cham 'anma'. Man̈ ex 'elc'woc. [Man̈ eya'ch 'es 'a yib'n̈ eb' eyit 'anma'il.] Man̈ e nib'c 'och junc tas, xchi. 'Ayt pax jun tzo'n̈ xo checnb'il. Palta 'ay junx checnb'il colb'il tz'och sjelc jun tzo'n̈ tic smasnil, tzyal 'ixtic: Chamc'ojlejc eb' eyit 'anma'il, 'icha wal tzeyutj eya'iln e b'a junjn ex, xchi.

Dt 5:18

Man̈ e b'o 'ajmulal 'a yol sc'ab' eyitb'eym junjn ex.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Santiago 2:11

A Dios aljnac 'ixtic: Man̈ e b'o 'ajmulal, xchi. Tzyaln paxi: Man̈ e mil cham eyit 'anma'il, xchi. Caw a Dios aljnac schab'il. Yuj cha, wach'xam matz qui b'oc 'ajmulal, palta toto tzqui mil cham junc quit 'anma'il, tzyal 'el'chi, wan qui te'nec can 'ejm sley Dios.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.