Ex 20:13 - Chuj San Sebastian Bible

¹³ Man̈ ex milwoc cham 'anma'.

Chuj San Mateo Bible

¹³ Man̈ e milcham eb' eyetanimail.

Ex 20:13 Iomraidhean Croise

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

2 Cr 24:22

A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

Ex 21:12

A mach tzmiln cham junc 'anma', yowlal tzmilx pax chamoc.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.

Ex 21:20

Q'uinloc 'ay mach tzc'anlb'ej te', yic tzma'n junc smoso, junc winac, mto junc 'ix ya'mal servil, toto tzcham yuj muc'uc, a jun tz'och smul cha, yowlal tzcham paxi.

Ex 21:29

Palta toto yojc xon yajl no cha, chajtlto ow xon no 'a 'anma', palta matz 'ilx no', tztecx cham junc 'anma chi yuj no', yowlal tzjulx cham no', tzcham pax yajl no cha.

Ex 23:7

Man̈ eya'ch e b'a eya'n 'och 'es 'a yib'n̈ junc 'anma'. Man̈ eya'ch pax chaml 'a yib'n̈ junc 'anma may smul, yujto an 'oj wac' syailal eb' 'ixta tzb'o cha.

Pr 1:11

Toq'ue tzyal eb' 'aych 'ixtic: Con̈ quet'oc, coyc macwjoc 'a yoltc b'e yic tz'at qui milnec cham junc 'anma tz'ec' ta', wach'xam may smul 'ayn̈ec.

Pr 1:18

palta ax jun tzo'n̈ 'anma 'ixta tz'el sb'on cha, mun a eb' tzyalej sb'a, mun a eb' tzmil cham pax sb'a.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Lv 24:17

A mach tzmiln junc yit 'anma'il, yowlal tzcham pax jun xo.

Lv 24:21

A mach tzma'n cham junc scajb'en noc' junc xo mach, tztac' ya'n sjel no', palta a mach tzmiln junc yit 'anma'il, yowlal tzchami, matz 'eq'ui.

Mt 19:18

—¿'Ajm 'a jun tzo'n̈ checnb'il chi tzin yiclej? xchi win 'a 'a. —Man̈ a mil cham junc et 'anma'il. Man̈ a b'o 'ajmulal 'a yol sc'ab' estzil. Man̈ ach 'elc'woc. Man̈ 'a'ch 'es 'a yib'n̈ et 'anma'il.

Mr 10:19

'In ojc jun tzo'n̈ schecnb'il Dios, 'a 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex, man̈ e mil cham junc eyit 'anma'il, man̈ ex 'elc'woc, man̈ eya'ch 'es 'a yib'n̈ eyit 'anma'il. Man̈ eyixtc paxti eyit 'anma'il, 'ay cab' yel'ch e mam e nun 'a a sat, xchi 'a winac.

Lc 18:20

'In ojc xon jun tzo'n̈ checnb'il, 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex. Man̈ e mil cham junc e yit 'anma'il. Man̈ ex 'elc'woc. Man̈ eya'ch 'es 'a yib'n̈ eyit 'anma'il. 'Ay cab' yel'ch e mam e nun 'a e sat, xchi Jesús 'a winac.

A Tas Sc'ulejnac Eb' Schecab' Jesús Hechos 16:28

Palta ax Pablo, x'awj 'elt 'a winac, xyaln 'ixtic: —Man̈ a mil a b'a, 'ayn̈ 'ec' qui masnil on̈, xchi 'elta.

A Tas Sc'ulejnac Eb' Schecab' Jesús Hechos 28:4

'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.

Ro 13:9

'Ay jun tzo'n̈ checnb'il tzyal 'ixtic: Man̈ e b'o 'ajmulal. Man̈ ex milwoc cham 'anma'. Man̈ ex 'elc'woc. [Man̈ eya'ch 'es 'a yib'n̈ eb' eyit 'anma'il.] Man̈ e nib'c 'och junc tas, xchi. 'Ayt pax jun tzo'n̈ xo checnb'il. Palta 'ay junx checnb'il colb'il tz'och sjelc jun tzo'n̈ tic smasnil, tzyal 'ixtic: Chamc'ojlejc eb' eyit 'anma'il, 'icha wal tzeyutj eya'iln e b'a junjn ex, xchi.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Dt 5:17

Man̈ ex milwoc cham 'anma'.

1 Ti 1:9

Nachj cab' 'el o'oj, man̈ yujoc eb' wach' sb'eyb'al, x'ajx can jun ley cha. Palta yuj eb' 'oj wal tic, 'ix 'ajx cani. Atn eb' tenmtac tzyutj sb'a 'a Dios, eb' man̈ yiclumoc 'a tas tzyala, eb' matz b'eylb'an 'icha tznib'ej, eb' maysch'olnil sb'eyb'al, eb' may yel'ch Dios 'a sat, eb' tzcomn b'uchwj 'a junc tas wach', eb' tzma' cham smam snun, yet' eb' milm cham 'anma',

Santiago 2:11

A Dios aljnac 'ixtic: Man̈ e b'o 'ajmulal, xchi. Tzyaln paxi: Man̈ e mil cham eyit 'anma'il, xchi. Caw a Dios aljnac schab'il. Yuj cha, wach'xam matz qui b'oc 'ajmulal, palta toto tzqui mil cham junc quit 'anma'il, tzyal 'el'chi, wan qui te'nec can 'ejm sley Dios.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.