Ex 2:3 - Chuj San Sebastian Bible

³ Palta man̈x 'ic stac' sc'ub'n 'el 'ix jun 'unn cha, yuj cha, 'ix sb'on 'ix jun xuc 'a te chay'aj. Xya'n 'och 'ix asfalto 'a 'aj tzchaj sb'a te'. A jun asfalto cha, lajn 'icha tzataj. Xlajw cha, 'ix ya'n 'ejm 'ix jun 'unn chi 'a yojol, x'at ya'nc can 'ix 'a scal jun tzo'n̈ te b'alal 'ay 'a sti a niwn a Nilo.

Chuj San Mateo Bible

³ Axo yic majxo yal-laj sc'ub'anel jun nene' unin chi' ix jun, ix yic'ancot jun xuuc ix, ix yac'anoch juntzan̈ asfalto ix d'ay icha tzataj yic snub'laj sb'a, yic vach' max ochlaj a' d'a yool. Ix lajvi chi' ix yac'anem vin̈ nene' unin chi' ix d'a yool, ix b'at yac'ancan ix d'a scal juntzan̈ te te' icha te' aj d'a sti' a' nivan Nilo.

Ex 2:3 Iomraidhean Croise

Gn 11:3

'Ay jun c'ual, 'ix yal eb' 'ixtic: Qui b'oc lum ladrillo, tzlajw cha, tzqui mucnec 'elta, xchi eb'. Atn chi sc'anlb'ej eb', yujto may q'uen q'uen ta', ax jun asfalto 'icha tzataj, a 'ix ya'ch eb' spixloc.

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Gn 6:14

A ticnec b'o junc te barco niwquil tz'aji, a te te 'ay stzatjil tza'ch 'a 'a; cuartotac tz'aj yojol, caw wach' tzotej. Tza'ch tzatj 'a 'aj tzchaj sb'a te', tza'ch 'a spatquil, yet' 'a yojol, sec wach' matz 'och a a 'a yojol.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Is 18:2

Tzlaj ya't eb' schecb' yet' te barco 'a yib'n̈ a niwn a tzcuch Nilo, tz'at eb' 'a yib'n̈ a yet' te' barco b'ob'il 'a te chay'aj. Ex checab', meltzjan̈c 'a e chon̈ab', atn 'aj niwc stel eb' 'anma', eb' n̈el-li stz'umal sniwnal, eb' caw wal tec'an, atn eb' 'ay smay 'a yib'n̈ jun tzo'n̈ xo chon̈ab'. Tzlaj 'em jun tzo'n̈ chon̈b' yuj eb'. Ata cajn eb' 'a lum lum pojquixtac yaj yuj a niwc a'.

Is 19:6

A eb' a sc'ab' tzlaj 'elcni, 'oj tup chan̈ eb' a', ax yaj sjab' 'aj tzb'ey a cha. 'Ixta pax eb' te chay'aj yet' te b'alal 'a sti sb'e a cha, 'oj tacjoc 'el eb' te'.

Is 35:7

A 'a lum cusltac lu'um, ata 'oj pitzwoc chan̈ a niwc pama', ax lum tacn̈ sat, tzanxn̈ej 'aj 'oj pac'q'uet a a 'a lu'um. A 'aj cajn no 'ocs ticnec, ata 'oj pa' chan̈ te 'aj yet' te b'alal.

Mt 2:13

Xlajw spax eb' mago cha, 'ay jun yángel Cajlil 'ix ch'ox sb'a 'a José 'a swayich, 'ix yaln 'a 'ixtic: —Q'uen̈ wa'an, 'ij 'at win 'unn tic et'oc, yet' snun winac. 'Eln̈ec muc'uc, 'ixquec 'a Egipto. Cann̈ecn̈ej ta b'el, masnto an 'oj wal 'ayach, yujto 'oj yac' win Herodes sayxc 'ec' jun 'unn tic yic tzya'n milxoc, xchi jun ángel cha.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

A Tas Sc'ulejnac Eb' Schecab' Jesús Hechos 7:19

A win rey cha, caw xyixtj win eb' qui mam quichmec cha. Caw xyac' win stul 'a eb'. 'Ix yaln win 'a eb', to yowlal tzjulx 'el jantcn̈ej swinc 'unnal eb' tzat 'alji, sec mun tzlaj cham eb'.