Ex 19:5 - Chuj San Sebastian Bible

⁵ Palta ax ticnec, yiclum tzeyutj e b'a 'ayin, tzeyiclni in trato eyet'oc, to in chon̈b' ex, sic'b'ilx 'el wuj 'a scal jun tzo'n̈ xo chon̈ab', yujto wic smasnil lum lu'um.

Chuj San Mateo Bible

⁵ Tato te c'anab'ajum tzeyutej e b'a d'ayin, tze c'anab'ajan in trato, in chon̈ab' ex toni, sic'b'il ex el vuj d'a scal juntzan̈xo chon̈ab'. Vic jun yolyib'an̈q'uinal tic smasanil,

Ex 19:5 Iomraidhean Croise

Gn 17:9

'Ix yaln pax Dios 'a Abraham 'ixtic: —Palta ach xo tic, yiclj jun in trato tic yet' eb' en̈til, yowlal tzyiclj pax eb'.

A Ch'an̈ B'ab'el Libro Yic Yab'ixal Eb' Rey 8:53

Mamin Jehová, ach on̈ a pojcn 'el 'a scal jun tzo'n̈ xo chon̈b' 'ay 'a sat lum lum tic, yic tzon̈ 'ochcn eco'oc, 'icha wal otjnac aln can 'a a checb' Moisés, yic e'n 'elt eb' qui mam quichm 'a Egipto on̈, xchi Salomón 'a slesal.

1 Cr 17:22

Yujto ach 'ix on̈ a'cn 'och an̈ israel on̈ tic a chon̈b'oc 'a jun 'ejmn̈ej, ach tic Mamin Jehová, qui Diosal ach on̈.

Job 41:11

Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!

Job 41:3

¿'Oj tewoc 'och am no 'ayach, sec tz'o'ch a c'ojl 'a no'? ¿'ojm c'unnoc no 'ayach sec tz'a'l no a libre?

Salmos 135:4

A si'jnacn̈ 'el an̈ yin̈tl on̈c Jacob tic, sec tzon̈ 'ochc yico'oc.

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 23:22

Palta toto 'oj eyiclc tas 'oj yala', ax eyiclni smasnil tas 'ix wal 'ayex, toto 'ixta', 'oj woch 'ajc'ojlal 'a mach 'ajc'ojl 'oj 'ajch 'ayex, 'oj woch lin̈n 'a yojltac mach 'oj cob' ste'wtzoc sb'a 'a eyojltac.

Ex 24:7

Xlajw cha, xyi'n chan̈ jun ch'an̈ un̈ 'aj tz'ib'b'il strato Dios, 'ix yawtn ch'an̈ 'a scal eb' yit israelal. Xlajw yawtx ch'an̈, xyaln eb' chon̈b' chi 'ixtic: —Smasnil tas xyal Jehová, tzca'ch 'a qui c'ojl qui yiclni, xchi eb'.

Ex 34:9

—Mamin, ach Wajlil, toto caw yel 'ay a tzaljc'ojlal 'ayin, tzach 'at quet' on̈ 'an, yujto a eb' a chon̈b' tic caw wal pit eb', palta comnoc tzon̈ ac' niwnc'ojlal yuj qui mul on̈, yet' qui maysch'olnil tzlaj 'och 'a ojltac, sec tzon̈ a chaj 'och a chon̈b'oc on̈, xchi Moisés.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 8:22

A yic 'oj ujc jun cha, may junc no tzac' chi 'oj 'ec' 'a yol yic Gosén, 'a 'aj 'ayc' eb' in chon̈ab'. 'Ixta wal 'oj 'aj ojcan 'eli to an Jehová in, to 'aynn̈ej 'ec' 'a smasnil yolyib'n̈q'uinl tic.

Ex 9:29

'Ix ta'w Moisés 'a win rey chi 'ixtic: —Cojn wal tzin 'el 'a yol chon̈b' tic, ax in mojnq'ue in c'ab' in leslwi 'a Jehová. Ax in c'ann 'a 'a, sec 'oj 'och wan ya'n q'uen sacb'at tic, man̈x 'oj smac' sb'a c'u. 'Ixta 'oj 'aj snachj 'el 'oj ach tic, chajtlto a Jehová yajl yaj 'a smasnil yolyib'n̈q'uinl tic.

Cantares 8:12

A q'uen mil cha, yic Salomón q'ue'en, ax cha'chb' ciente pax yic junjn ewin tztan̈wni te cha. An xo pax tic, 'ay pax wawb'en uva chi to mun wico', mun wojtac tas tzwutj in tan̈wni, xchi 'ix.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 56:4

Yujto a Jehová a tzaln 'ixtic: A eb' man̈ tz'acnoc sniwnal cha, toto tzyiclj eb' sc'ul 'iljelal, tzyiclni eb' tas tzin nib'ej, tzchan eb' yab' tas tzyal in trato,

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Jeremías 13:11

'Icha wal junc mach tzjaln 'och junc jal-l 'a snan̈al, 'ixta wal xwutj eb' chon̈b' israel, yet' pax eb' 'aj Judá. Caw junn̈j yaj eb' wet'oc, in chon̈b' yaj eb', yic tzyaln 'el eb' chajtlto caw niwn wel'chi, palta ma'ix syiclj eb' tas xwala.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

1 Co 10:26

Yujto a yolyib'n̈q'uinl tic, yet' smasnil tas 'ay 'a 'a, yic Cajlilec.

1 Co 10:28

Palta toto 'ay junc mach tzaln 'ayx 'ixtic: A jun chib'j tzyac' win tic, tox x'och xajmb'alil, toto xchi 'ayex, man̈ e chi'. Yujto a jun tzaln 'ayx cha, 'ay smay, toq'ue tzjuw 'el snab'en eyu'uj.

Dt 10:14

Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um.

Dt 11:27

'Oj e cha yaxilal, toto 'oj eyiclc jun tzo'n̈ schecnb'il Jehová qui Diosalec cha, atn jun tzo'n̈ wan waln can 'ayx tic.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Dt 26:18

An̈jtona ticnec, 'ix yal Jehová to an̈ israel on̈c tic, to yicn̈ej cajec, sic'b'iln̈ec 'el yu'uj, 'icha yutjnac yaln 'ayn̈ec, yuj cha, yowlal tzqui yicljec smasnil schecnb'il.

Dt 26:19

A 'oj eya'n 'och niwquil chon̈b'al. 'Oj e b'inax 'a swach'ilal. Niwn eyel'ch pax 'a sat jun tzo'n̈ xo nacion̈ b'ob'il yu'uj. 'Ixta wal 'oj eyaj 'icha yutjnac yalni, jun chon̈b' to yicn̈ej Jehová Dios yaji, xchi Moisés.

Dt 28:1

Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

Dt 28:9

Toto tzeyiclj smasnil schecnb'il Jehová, tze b'eylb'an pax sb'eyb'al, 'oj ex yalch schon̈b'oc, 'icha wal yutjnac yaln cani.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

Dt 5:2

A Jehová qui Diosalec, sb'o jun strato tic quet'ec 'a lum yich witz Sinaí.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Dt 9:29

Palta a jun chon̈b'al eb' 'anma tic, ec ton wal yaj eb', ach ejnac 'elt eb' 'a Egipto yet' wal a niwquil poder, xin chi 'a 'a.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 11:8

A Abraham, caw ya'jnac 'och Dios 'a sc'ojol. Yuj cha, a yic yawtx yu'uj, syicljnac. 'Atnc 'a jun lugar ya'jnac Dios yico'oc. Wach'xam mant yojcoc 'aj tz'ati, palta yactjnac can slu'um, s'ati.

A Ch'an̈ Carta D'a Eb' Hebreo 8:9

A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.

Josué 24:24

Xta'w pax eb' chon̈b' chi 'ixtc 'a Josué: —An̈ tic on̈, 'oj ca' servil Jehová qui Diosalec, 'oj qui yiclc tas 'oj yal 'ayn̈ on̈, xchi eb'.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.