Ex 19:18 - Chuj San Sebastian Bible

¹⁸ Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Chuj San Mateo Bible

¹⁸ Ix te q'ue stab'il lum vitzal Sinaí chi', ix emul Jehová d'a scal jun nivan c'ac'. Icha val sq'ue stab'il junoc horno, icha val chi' sq'ue stab'il, ix te ib'xiq'ue jun vitz chi'.

Ex 19:18 Iomraidhean Croise

Gn 11:5

Ax Jehová, 'ix 'eml wul yil jun chon̈b' cha, yet' jun torre tzb'o eb' cha.

Gn 15:17

A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha.

Gn 19:28

'Ix yilni to a 'a Sodoma, 'a Gomorra yet' 'a smasnil ya'lical jun lugar cha, wacqui sq'ue wan stab'il, 'icha sq'ue wan stab'l junc niwquil jorna.

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Salmos 104:32

A yic tzach 'och q'ueln 'a lum lum tic, yajn̈ej tz'ib'x chan̈ lum o'oj; a yic tzach 'och yamn 'a eb' lum niwc witz, yajn̈ej tzq'ue wan stab'l eb' lum o'oj.

Salmos 114:4

Ax eb' lum niwc witz yet' eb' lum tzalan, 'icha to 'ix laj q'ue b'atnjoc eb' lum 'icha mam calnelu, mto 'icha no nene calnelu.

Salmos 114:7

'Ib'x cab' chan̈ lum lum 'a yojltac Dios Yajl yaj 'a smasnil, atn qui Diosalec an̈ yin̈tl on̈c Jacob tic.

Salmos 144:5

Mamin, jacw cab' satcha'an̈, tzlajw cha, tzach 'emta. 'Emn̈ wul 'a eb' lum jolmctac witz, ax sq'ue wan stab'l eb' lum o'oj.

Salmos 18:9

Yajn̈ej ach cot 'a satcha'an̈, ach 'eml 'a tic, ax jun q'uic' 'asun a 'aych a te'nub'oc.

Salmos 68:9

Man̈x jantcoc n̈ab' 'ix a' coti, sec tzya'xb' pax sat lum tacn̈ lum jun 'ejm xo.

Salmos 77:18

'Ix 'ab'x sc'an̈ c'u 'a scal chacxuxm'ic', caw 'ix sacb'chan̈ yolyib'n̈q'uinl tic yuj letz'lo'om, 'ix 'ib'x pax lum lum tic yuj quixcab'.

Salmos 77:19

'Ix a jac a b'e 'a yol a mar, til wal a a 'aj 'ix ach 'eq'ui, palta may junc mach x'iln 'aj x'em oc.

Ex 19:13

A eb' chon̈b' 'oj julnc cham yet' q'ue'en mto 'oj julxoc cham yet' jul-lab', sec wach' matz comn yamx sniwnal muc'uc. Toxn̈ej junc 'anma', mto junc no noc', tojln̈ej cab' schami. At yic 'oj 'utzxoc no sch'ac calnelu, 'ixta to b'i'an, tztac' yochl eb' 'anma 'a stz'ey lu'um, xchi Dios.

Ex 19:17

'Ix yi'n 'el Moisés eb' 'anma chi 'a spatc 'el scamplamento. 'Ix 'at eb' scha Dios. Ax 'a sla'nil yich lum witz cha, ata xcan oyn eb'.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Ex 3:2

Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Ex 34:2

Tza'n lista a b'a 'a sq'uin̈b'il q'uic'an yic tzach jaw 'a wojltac 'a sjolm lum witz tic.

Is 6:4

A yic x'och jun 'aw cha, 'ix 'ib'x can spuertail yatut Dios, 'ix b'ut'j yojl chi yuj tab'.

Is 64:1

Comnoc 'ay tz'aj a jatn satcha'an̈, yic tzach 'eml 'a yolyib'n̈q'uinl tic, sec tzlaj 'ib'x lum niwc witz 'a ojltac.

Jeremías 4:24

'Ix laj wilnc 'at eb' lum witz, caw wal tz'ib'x eb' lu'um, 'ixta pax eb' lum tzalan, caw wal tzicb'tan̈x eb' lu'um.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

Dt 4:36

A 'a satcha'an̈, ata 'ix paxtin 'emta yic on̈ scuyni. Ax 'a sat lum tic, c'ac' 'ix sch'ox quila'. 'Ix cab' spaxtin 'elt 'a scal jun c'ac' cha.

Dt 5:22

'Ix yaln pax Moisés 'ixtic: Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin.

Dt 5:4

A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 12:18

An̈ec tic, man̈ lajnoc on̈ 'ajc 'icha eb' quit israelal pecti'. Yujto a eb' cha, xit'nc eb' 'a lum witz Sinaí 'ay 'a yolyib'n̈q'uinl tic, atn 'a 'aj 'ay jun c'ac' tzn̈ilchji. Ata', caw q'uic'q'uinal, man̈ checloc. 'E'nc pax jun chacxuxm 'ic' ta'.

A Ch'an̈ Carta D'a Eb' Hebreo 12:26

A 'a pecti cha, yic spaxtini, caw 'ib'xnac sat lum tic yuj yol sjaj. Palta ax ticnec, tzyal 'ixtic: A 'a jun 'ejm xo, man̈ cojnoc sat lum 'oj wac' 'ib'xoc. An̈jtona', 'oj wac' 'ib'xoc pax satcha'an̈, xchi.

A Schab'il Carta San Pedro 3:10

Palta 'icha sjaw junc 'elc'm 'a 'ac'wal, 'ixta 'oj 'aj sjaw sc'ul sjaw Cajlilec. A 'a jun c'u cha, ata 'oj lajwc 'ec' satcha'an̈. Caw 'oj c'an̈ sn̈i'chji. Ax jun tzo'n̈ tas 'ay 'a sat lum tic, c'uxn 'oj 'ulb'xoc yuj jun niwquil c'ac'. C'uxn 'oj tz'a sat lum tic, yet' jantcn̈ej tas 'ay 'a 'a.

Apoc 15:8

Ax jun Lugar cha, caw q'uic' x'aj 'ejm tab' 'a yojl yuj stzictznil Dios yet' spoder. May junc mach 'ix stac' scomn 'och ta', masnto xlajw uque yailal xyij 'at eb' ángel chi yucwn̈il.

Apoc 9:2

Yajn̈j cha, 'ix sjacn jun xab' oln cha. Ata xq'uel wal jun tab', 'icha yel-l tab' 'a junc jorna caw niwquil. Yuj jun tab' cha, x'och q'uic'q'uinl 'a c'u. Caw xq'uic'b' 'el yu'uj.

Jueces 5:5

Caw x'ib'x eb' lum witz 'a ojltac Mamin Jehová. A wal lum witz Sinaí, caw wal x'ib'x lum 'a ojltac, ach qui Diosal an̈ israel on̈ tic on̈.