Ex 19:15 - Chuj San Sebastian Bible

¹⁵ 'Ix yaln Moisés chi 'ixtc 'a eb': —A ticnec b'oc e b'a yic tzex 'och 'emmquilal 'a Jehová chab'ej, matz tac' e way yet' eyistzil, xchi 'a eb'.

Chuj San Mateo Bible

¹⁵ Ix yalan vin̈aj Moisés chi' d'a eb': —A ticnaic sacb'itejec e b'a, yujto tzex och ejmelal d'a Jehová chab'ej. Man̈xo ex vay yed' eb' ix eyetb'eyum d'a chab' c'ual tic, xchi vin̈ d'a eb'.

Ex 19:15 Iomraidhean Croise

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

Ex 19:11

Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Ex 19:14

Xlajw cha, xpax 'emt Moisés 'a sjolm lum witz cha, 'ix wul yalnc 'a eb' yit chon̈b' cha, sec tzb'o sb'a eb', tzju'n pax 'el eb' spichul, yic tz'och eb' 'emmquilal 'a Dios.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Jl 2:16

Smolb'tzoc cot cab' sb'a smasnil eb' schon̈b' Dios, sacb'tzoc cab' sb'a eb'. Smolb'tzoc cot cab' sb'a eb' 'ichmtac 'anma', eb' 'unin, yet' eb' tz'ulc 'unn tzat chuwi. An̈jtona eb' tot xlajw snupni, 'elt cab' eb' 'a yol yatut.

Lv 15:18

Toto 'ay junc winac, 'ay tas tzb'o yet' junc 'ix 'ix, yowlal tz'achn eb' schawn̈il, palta mant wach'c eb' masnto yic tzq'uic'b' 'ejmi.

Am 4:12

'Ixta wal 'oj ex wutc ex israel, 'a'c lista e b'a, yujto 'oj eyil-lac 'och e sat wet' an e Diosal in tic. ¿Tom 'oj e techj 'ayin?

Zacarías 6:3

Jun yoxil, sac e no chej to'jnac, ax jun schan̈il, tz'ib'quintac e no chej chi to'jnac.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.

Malaquías 3:2

¿Mach wal 'oj techjoc yuj 'a jun c'u yic 'oj in jaw cha? ¿Mach wal 'oj stac' ste'wtzan sb'a yoch lin̈n 'a wojltac? Yujto a wopiso, lajn wal 'icha te c'ac' tzc'an eb' tzb'on q'uen oro, mto 'icha sawon tzc'an eb' tzju'wi.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

1 Co 7:5

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.