Ex 19:13 - Chuj San Sebastian Bible

¹³ A eb' chon̈b' 'oj julnc cham yet' q'ue'en mto 'oj julxoc cham yet' jul-lab', sec wach' matz comn yamx sniwnal muc'uc. Toxn̈ej junc 'anma', mto junc no noc', tojln̈ej cab' schami. At yic 'oj 'utzxoc no sch'ac calnelu, 'ixta to b'i'an, tztac' yochl eb' 'anma 'a stz'ey lu'um, xchi Dios.

Chuj San Mateo Bible

¹³ Malaj mach syal smac'ancham jun anima chi' yed' sc'ab'. Sjulq'uenaj chami, ma sjuljicham yed' jul-lab'. Taxon̈ej anima ma junoc noc' noc', tojoln̈ej schami. Ato ol puchaj sch'aac noc' calnel, ichato chi' syal snitzancot sb'a eb' anima d'a slac'anil lum vitz tic, xchi Jehová.

Ex 19:13 Iomraidhean Croise

Ex 19:14

Xlajw cha, xpax 'emt Moisés 'a sjolm lum witz cha, 'ix wul yalnc 'a eb' yit chon̈b' cha, sec tzb'o sb'a eb', tzju'n pax 'el eb' spichul, yic tz'och eb' 'emmquilal 'a Dios.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Ex 19:17

'Ix yi'n 'el Moisés eb' 'anma chi 'a spatc 'el scamplamento. 'Ix 'at eb' scha Dios. Ax 'a sla'nil yich lum witz cha, ata xcan oyn eb'.

Ex 19:19

A yic tz'oc' q'uen trompeta chi 'a junjn 'ejem, caw tzwach' owb' sjaj q'ue'en. Ata xpaxtin Moisés yet' Dios. Caw ow sta'wi, 'icha wal sc'an̈ c'u, 'ixta yol sjaj.

Ex 34:3

May junc xo mach tz'och tza'n o'oj, may junc mach tztac' yec' 'a stz'ey lum witz tic, matz tac' yec' no calnelu mto no wacx wac 'a yich lu'um, xchi Dios.

1 Co 15:52

A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

1 Ts 4:16

'Oj 'awtxoc jun checnb'il yuj jun sat ángel, ax yoc' pax strompeta Dios. At wal ta 'oj 'emloc Cajlilec 'a satcha'an̈. Ax eb' creyente chamnc xo, 'oj b'ab'l pitzwc pax sniwnal eb'.

A Ch'an̈ Carta D'a Eb' Hebreo 12:20

'Ixta yutjnac sb'a eb', yujto ma'ix techj yuj eb' yab'n jun schecnb'il tzyal 'ixtic: Toto 'ay junc tzjaw 'a yich jun witz tic, wach'xam junc noc', yowlal tzjulx cham yet' q'uen q'ue'en, [mto tztecx cham yet' q'uen lanza,] xchi.

Jueces 20:37

Ax eb' soldado sc'ub'j 'el sb'a cha, yajn̈ej 'ix 'och eb' 'a Gabaa, 'ix smiln eb' smasnil eb' cajn ta'.