Ex 19:12 - Chuj San Sebastian Bible

¹² Tza'n 'ejm junc yechl 'a yich jun witz tic, sec man̈xtzac stac' yec' eb' 'anma ta'. Tzaln pax 'a eb', to niwn cab' yel'ch jun witz tic 'a sat eb', matz tac' sq'uet eb' 'a sjolm lu'um, matz tac' pax yochl eb' 'a yich lu'um. Toto 'ay junc eb' tz'ochl 'a yich lu'um, tojln̈ej cab' schami.

Chuj San Mateo Bible

¹² Tzaq'uem yechel d'a yichtac vitz tic, tzalan d'a eb' to nivanocab' yelc'och jun vitz tic d'a yol sat eb'. Max yal-laj sq'ueta eb' d'ay, max yal ste javi eb' d'a stz'ey, tato ay junoc mach sjavi d'a stz'ey, yovalil schami.

Ex 19:12 Iomraidhean Croise

Ex 10:28

Yuj cha, 'ix yaln pax win rey chi 'ixtc 'a Moisés: —'Eln̈ 'a in tz'ey tic. Man̈x b'a'n̈ tzin nib'j tzach wil jun 'ejm xo 'a tic. Toto tzach jaw jun 'ejmoc xo, a 'a yic xon jun c'u cha, tzach cham 'a tic, xchi win rey cha.

Ex 19:21

'Ix yaln Jehová 'ixtc 'a 'a: —A ticnec, 'ixic, 'at al 'a eb' et chon̈b' cha, to matz tac' sc'axw 'e't eb' 'a 'aj 'aycn 'ejm yechl o'oj, matz tac' ya'n pural eb' in yilni; to ma'ay, 'ay smay niwn eb' 'oj chamoc.

Ex 19:23

Xta'w Moisés 'a Jehová 'ixtic: —Matz tac' sq'uet eb' chon̈b' chi 'a sjolm lum witz Sinaí tic, yujto ach 'ix ala, to tz'em yechl 'a 'aj tzjaw eb', a jun lugar tic, caw yel ec yaji, xchi Moisés cha.

Ex 24:2

Ach xo ach Moisés ach tic, cojn ach tztac' a jaw 'a in tz'ey an Jehová in. Ax eb' ajun et' cha, matz tac' sjaw eb', an̈jtona eb' chon̈b' cha, matz tac' sq'uet eb' et'oc, xchi Dios 'a Moisés.

Ex 34:12

A yic tzex c'och 'a sat lum lum cha, may junc trato wach' e b'on yet' eb' 'anma chi ta', sec wach' ma'oj ex yixtc eb'.

Ex 34:3

May junc xo mach tz'och tza'n o'oj, may junc mach tztac' yec' 'a stz'ey lum witz tic, matz tac' yec' no calnelu mto no wacx wac 'a yich lu'um, xchi Dios.

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

A Ch'an̈ Carta D'a Eb' Hebreo 12:18

An̈ec tic, man̈ lajnoc on̈ 'ajc 'icha eb' quit israelal pecti'. Yujto a eb' cha, xit'nc eb' 'a lum witz Sinaí 'ay 'a yolyib'n̈q'uinl tic, atn 'a 'aj 'ay jun c'ac' tzn̈ilchji. Ata', caw q'uic'q'uinal, man̈ checloc. 'E'nc pax jun chacxuxm 'ic' ta'.

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.